ده‌زگای ژیان بۆ مافه‌كانی مرۆڤ سوپاسی خۆی ئاراسته‌ی به‌ڕێوه‌به‌ری گشتی ده‌كات
ڕۆژی پێنجشه‌ممه، 13ی 2ی 2020، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان ئاشتی ئیبراهیم، یاریده‌ده‌ری به‌ڕێوه‌به‌ری گشتی بۆ كاروباری كارگێڕی‌‌و و نوخشه ڕه‌سوڵ، به‌ڕێوه‌به‌ری كارگێڕی دیوان‌و و سۆران سه‌عید، به‌رپرسی به‌شی پلان‌و به‌دواداچون، پێشوازیكرد له شاندێكی ڕێكخراوی ژیان بۆ مافه‌كانی مرۆڤ كه پێكهاتبوون له به‌ڕێزان م.سه‌ڵاح عارف ئه‌حمه‌د، سه‌رۆكی ڕێكخراوه‌كه‌و د.جه‌مال عومەر، سەرپەرشتیاری زانستی‌و د. شەریف جەودەت بەڕێوەبەری لقی سلێمانی دەزگاکە.
لە چوارچێوه‌ی سه‌ردانه‌كه‌دا شاندی ده‌زگای ژیان، خه‌ڵاتی سوپاس‌و ڕێزلێنانی خۆیان‌و چه‌پكه گوڵی ڕێزو وه‌فایان پێشكه‌ش به به‌ڕێز م.عومه‌ر گوڵپی، به‌ڕێوه‌به‌ری گشتی كرد له پای هه‌ماهه‌نگی‌‌و كاری پێكه‌وه‌یی‌‌و ئاسانكارییان بۆ كاره‌كانی ڕێكخراوو سه‌ركه‌وتنی پڕۆژه‌ی كلینیكی ڕاهێنانه‌وه‌ی قوربانیانی توندوتیژی له شاری چه‌مچه‌ماڵ، له به‌رانبه‌ردا به‌ڕێز به‌ڕێوه‌به‌ری گشتی سوپاسی ڕێكخراوه‌كه‌ی كرد له به‌رانبه‌ر هه‌ڵوێستیانداو جه‌ختی كرده‌وه له‌سه‌ر ئه‌وه‌ی كه ئه‌وه‌ی به‌ڕێوه‌به‌رایه‌تی گشتی كردوویه‌تی به ئه‌ركی خۆی زانیوه‌و به‌رده‌وامیش ده‌بێت له‌سه‌ر ئه‌و هه‌ماهه‌نگی‌‌و پێكه‌وه كاركردنه له پێناو به‌رژه‌وه‌ندی گشتی‌‌و خزمه‌تی زیاتری قوربانیانی توندوتیژی، هه‌روه‌ك خه‌ڵاته‌كه‌شی به خه‌ڵات بۆ سه‌رجه‌م به‌ڕێوه‌به‌رو به‌رپرس‌و كارمه‌ندان سنوری به‌ڕێوه‌به‌رایه‌تی گشتی زانی.
هه‌ر له‌و سه‌ردانه‌دا جه‌خت كرایه‌وه له‌سه‌ر به‌رده‌وامی كاری پێكه‌وه‌یی‌‌و هه‌ماهه‌نگی له چوارچێوه‌ی كارو ئامانجه هاوبه‌شه‌كاندا، له‌م ڕوانگه‌یه‌وه بڕیاروایه ڕه‌شنوسی یاداشتنامه‌یه‌كی هاوبه‌ش له نێوان هه‌ردوو لادا ئاماده‌بكرێت بۆ به‌رزكردنه‌وه‌ی ئاستی كاركردنی پێكه‌وه‌یی به‌تایبه‌ت له بواری ڕاهێنان‌و گۆڕینه‌وه‌ی شاره‌زایی و پاراستنی قوربانیانی توندوتیژی له سنوری پارێزگای سلێمانی‌‌و له ڕێگه‌ی كردنه‌وه‌ی چه‌ند ڕاهێنانێكی ئاست به‌رز بۆ كارمه‌ندانی وه‌زاره‌تی كارو كاروباری كۆمه‌لایه‌ت له سنوری پارێزگای سلێمانی.
|