پێشوازی له گروپی نازی خوێندكارانی خۆبه‌خش
ڕۆژی پێنجشه‌ممه، 28ی نیسانی2016، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، پێشوازی له نوێنه‌رانی گروپی "ناز" كرد كه گروپێك له خوێنكارانی كۆلێجی كشتوكاڵی زانكۆی سلێمانین‌و خۆبه‌خشانه چالاكی له بواری كاری چاكه‌ی كۆمه‌ڵایه‌تیداپێشكه‌ش ده‌كه‌ن به‌تایبه‌ت له بواری هاوڕێیه‌تی‌‌و هاوكاری منداڵانی بێ سه‌رپه‌رشت .
له‌و دیداره‌دا به‌ڕێوه‌به‌ری گشتی ده‌ستخۆشی له‌و گه‌نجانه كرد كه خۆبه‌خشانه كار بۆ دڵخۆشكردنی منداڵانی بێ سه‌رپه‌رشت ده‌كه‌ن‌و كات‌و تواناكانی خۆیان بۆ ئه‌و بواره گرنگ‌و پیرۆزه ته‌رخان ده‌كه‌ن، هه‌روه‌ك به‌شێكی دیداره‌كه ته‌رخان بوو بۆ چۆنیه‌تی ڕێكخستنی كاری خۆبه‌خشه‌كان‌و گروپه كۆمه‌ڵایه‌تییه‌كان به‌جۆرێك سودی زیاتر به منداڵان‌و دامه‌زراوه كۆمه‌ڵایه‌تییه‌كان بگه‌یه‌نێت .
|