به‌ڕێوه‌به‌ری گشتی پێشوازی له ئه‌نجومه‌نی دایكان‌و باوكانی منداڵانی خاوه‌ن پێداویستی تایبه‌ت ده‌كات
ڕۆژی پێنجشه‌ممه، 23ی 1ی 2020، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێز به‌ختیار عه‌لی غه‌ریب، به‌رپرسی به‌شی ئه‌ندازیاریی له دیوانی به‌ڕێوه‌به‌رایه‌تی گشتی پێشوازی كرد له ئه‌نجومه‌نی باوكان‌و دایكانی هاووڵاتیانی خاوه‌ن پێداویستی تایبه‌ت.
نوێنه‌رانی ئه‌نجومه‌نه‌كه به مه‌به‌ستی پێشكه‌شكردنی پڕۆژه‌یه‌ك سه‌ردانی به‌ڕێوه‌به‌رایه‌تی گشتیان كردبوو، كه له ڕێگه‌ی ئه‌و پڕۆژه‌وه ژماره‌یه‌ك ئاسانكاری بۆ خانه‌واده‌ی منداڵانی خاوه‌ن پێداویستی تایبه‌ت‌و دامه‌زراوه‌كانه‌وه پێشكه‌ش ده‌كرێت، لای خۆیه‌وه به‌ڕێز به‌ڕێوه‌به‌ری گشتی ده‌ستپێشخه‌ری‌‌و پڕۆژه‌كه‌یانی به گرنگ وه‌سفكردو به‌ڵێنیدا پاش لێكۆڵینه‌وه له چۆنیه‌تی جێ به‌جێكردنی هاوكاری ته‌واو بن بۆ ئه‌و بواره.
|