به‌ڕێوه‌به‌رایه‌تی گشتی پێشوازی له ڕێكخراوی مرۆیی مام ده‌كات
ڕۆژی دووشه‌ممه، 2ی 12ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به ئاماده‌بوونی هه‌ریه‌كه له به‌ڕێزان نوخشه ڕه‌سوڵ، به‌ڕێوه‌به‌ری كارگێڕی دیوان‌و ڕێبوار ره‌سوڵ، به‌رپرسی به‌شی یاساو م.ئاراس ناصر، به‌رپرسی به‌شی پارێزگاری خێزان، پێشوازیكرد له شاندێكی ڕێكخراوی مرۆیی (مام) كه پێكهاتبوو له به‌ڕێزان فه‌لاح سه‌ڵاح عه‌بدوڵڵا، به‌ڕێوه‌به‌ری گشتی ڕێكخراوو هاشم عه‌لی مه‌ولود، به‌ڕێوه‌به‌ری په‌یوه‌ندییه‌كان‌و ئاهه‌نگ جه‌واد حه‌سه‌ن، به‌ڕێوه‌به‌ری سێكته‌ری په‌روه‌رده‌ی ڕێكخراوه‌كه.
له دیدارێكدا وێڕای خستنه‌ڕووی پێكهاته‌و شێوازو بواره‌كانی كاركردنی ڕێكخراوه‌كه، ڕێكخراوی مام ئاماده‌یی خۆیان پیشاندا بۆ هه‌ماهه‌نگی له‌گه‌ڵ به‌ڕێوه‌به‌رایه‌تی گشتی‌‌و دامه‌زراوه كۆمه‌ڵایه‌تیه‌كانی سنوری كاری به‌ڕێوه‌به‌رایه‌تی گشتی بۆ ئه‌نجامدانی پڕۆژه‌ی هاوبه‌ش له بواری خزمه‌تگوزاری كۆمه‌ڵایه‌تی‌‌و له بواری پڕۆژه‌ی بچوك‌و گه‌وره.
له به‌رانبه‌ردا به‌ڕێز به‌ڕێوه‌به‌ری گشتی سه‌ره‌ڕای پیرۆزبایی له دامه‌زراندنی ڕێكخراوه‌كه، جه‌ختی له‌سه‌ر ئه‌و پڕه‌نسیپ‌و یاساو ڕێنماییانه كرده‌وه كه به‌هۆیانه‌وه له سنوری كاری به‌ڕێوه‌به‌رایه‌تی گشتی كاره‌كانی پێ ڕێكده‌خرێت، هه‌روه‌ك به‌بێ جیاوازی ئاماده‌یی خۆیانی پیشاندا بۆ پێشوازی له هه‌ر ڕێكخراوێك كه ئاستێكی باڵای پیشه‌یی‌‌و بێلایه‌نی كاربكات‌و خزمه‌تی چین‌و توێژه جیاجیاكان بكات، هه‌روه‌ك هیوای خواست ڕێكخراوی مام سه‌ركه‌وتووبێت له كاره‌كانی‌‌و جێده‌ستی دیاربێت له كاكردن له بواری مرۆیی‌‌و ئاوه‌دانكردنه‌وه‌ی وڵات‌و پێشخستنی هه‌رێم‌و پارێزگاكه‌ماندا، كه له‌م بوره‌دا وڵاته‌كه‌مان پێویستی به كاركردنی بێ ماندووبوونی سه‌رجه‌م دامه‌زراوه حكومی‌‌و ناحكومییه‌كان هه‌یه.
|