به‌ڕێوه‌به‌ری گشتی له‌گه‌ڵ ستافه‌كانی ماڵی داڵده‌دانی ژنانی هه‌ڕه‌شه‌لێكراو كۆده‌بێته‌وه‌و به‌دواداچوون بۆ پلان‌و به‌رنامه‌كان ده‌كات
ڕۆژی دووشه‌ممه، 25ی 11ی 2019، هاوكاتی ڕۆژی جیهانی به‌ره‌نگاری توندوتیژی دژی ژنان، به‌ڕێزان م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و شه‌وبۆ موحه‌ممه‌د ئه‌مین، شاره‌زای كۆمه‌ڵایه‌تی‌‌و نوخشه ڕه‌سوڵ، به‌ڕێوه‌به‌ری كارگێڕی دیوان‌و ئاراس ناسر، به‌رپرسی به‌شی پارێزگاری خێزان له‌گه‌ڵ به‌ڕێوه‌به‌رو یاریده‌ده‌ری به‌ڕێوه‌به‌رو كارمه‌ندانی یاسایی‌‌و توێژه‌رانی كۆمه‌ڵایه‌تی‌‌و ده‌روونی ماڵی داڵده‌دانی ژنانی هه‌ڕه‌شه‌لێكراوی سلێمانی كۆبوویه‌وه، هه‌روه‌ك له سه‌ردانێكیشدا دیداری له‌گه‌ڵ چه‌ند داڵده‌دراوێك ئه‌نجام داو گوێی له خوسته‌كانیان گرت.
مه‌به‌ست له كۆبوونه‌وه‌كه له نزیكه‌وه به‌سه‌ركردنه‌وه‌ی به‌رنامه‌و پلانه‌كانی ماڵی داڵده‌دان‌و زانینی ئاستی به‌ره‌وپێشچوونیان، هه‌روه‌ك سوپاس‌و ده‌ستخۆشی ئاراسته‌ی به‌ڕێوه‌به‌رو ستافه‌كان كرد كه وێڕای كێشه‌و گرفته‌كان به ئاستێكی زۆر باشتر له ساڵانی ڕابردوو كاره‌كان ئه‌نجام ده‌ده‌ن‌و ئه‌وه‌ی پێویست بێت بۆ ژنانی داڵده‌دراوی ئه‌نجام ده‌ده‌ن.
هه‌ر له‌و كۆبوونه‌وه‌یه‌دا به‌ڕێز به‌ڕێوه‌به‌ری گشتی ده‌ستخۆشی له ستافه‌كان كردو ئه‌و پێشكه‌وتنانه‌ی له بواری جیاجیادا ماڵه‌كه به‌خۆیه‌وه بینی به بایه‌خی زانی‌‌و پێی وابوبو به‌رهه‌می كاری پێكه‌وه‌یی‌‌و سیستماتیكه‌و له ئاینده‌دا به‌رهه‌می زیاتریشی ده‌بێت.
پاش كۆبوونه‌وه‌كه به‌ڕێز به‌ڕێوه‌به‌ری گشتی له‌باره‌ی دۆسیه‌كه‌ی‌و ڕێگاكانی چاره‌سه‌ری كێشه‌كانیه‌وه، له نزیكه‌وه گوێی له داڵده‌دراوێك گرت‌و به‌ڵێنی پێدا به دواداچوونی ته‌واو بكات‌و هه‌وڵ بدات كێشه‌كه‌ی له‌و چه‌قبه‌ستنه ڕزگار بكات.
|