به‌ڕێوه‌به‌ری گشتی پرۆسه‌ی په‌روه‌رده‌و فێركردن بۆ نابیستان به‌سه‌رده‌كاته‌وه
به‌بۆنه‌ی هه‌فته‌ی نابیستانه‌وه، به‌ڕێوه‌به‌ری گشتی چاودێریی‌‌و گه‌شه‌پێدانی كۆۆمه‌ڵایه‌تی له پارێزگای سلێمانی، پرۆسه‌ی په‌روه‌رده‌و فێركردنی له په‌یمانگای هیوای نابیستان به‌سه‌ركرده‌وه .
ڕۆژی سێشه‌ممه، 26ی نیسانی2016، به‌بۆنه‌ی هه‌فته‌ی نابیتسانه‌وه، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، سه‌ردانی په‌یمانگای هیوای نابیستانی كردوو له نزیكه‌وه پرۆسه‌ی په‌روه‌رده‌و فێركردنی له‌و په‌یمانگایه به‌سه‌ركرده‌وه .
له‌و به‌سه‌ركردنه‌وه‌یه‌دا به‌ڕێوه‌به‌ری گشتی سه‌ردانی پۆلی سێیی بنه‌ڕه‌تی كردو بۆ ماوه‌ی 30 خوله‌ك ئاماده‌ی به‌ڕێوه‌چوونی وانه‌ی خوێندكاره‌كان بوو كه‌وانه‌ی زمانی ئینگلیزی بوو .
له كۆتایی به‌سه‌ركردنه‌وه‌كه‌شدا به‌ڕێوه‌به‌ری گشتی ده‌ستخۆشی له به‌ڕێوه‌به‌رو مامۆستایان‌و توێژه‌رانی په‌یمانگای هیوای نابیستان كرد كه دڵسۆزانه به ئه‌ركی په‌روه‌رده‌و فێركردن هه‌ڵده‌ستن، كه پرۆسه‌ی په‌وره‌رده‌و فێركردن له‌لایه‌ك ئه‌ركێكی پیرۆز‌و چێژ به‌خشه‌و له‌لایه‌كی تره‌وه به‌هۆی له ده‌ستدانی یه‌كێك له ڕێگا سه‌ره‌كییه‌كانی فێربوون لای خوێندكاره‌كان كارێكی سه‌خت ئه‌نجام ده‌ده‌ن، هه‌روه‌ها ده‌ستخۆشی‌‌و پیرۆزبایی له خوێندكارانیش كرد كه زۆر به متمانه به‌خۆبوونه‌وه له‌گه‌ڵ وانه‌كان‌و ڕێنماییه‌كانی مامۆستاكانیان هه‌نگاو ده‌نێن‌و ده‌یانه‌وێت فێربن‌و تواناكانی خۆیان پیشانبده‌ن .. .
|