ۆرک شۆپێك بۆ هه‌ڵسه‌نگاندنی پڕۆگرامی پاراستنی منداڵ له‌سه‌ر ئاستی عێراق‌و هه‌رێمی كوردستان به‌ڕێوه‌چوو
ڕۆژی دووشه‌ممه، 18ی 11ی 2019، به ئاماده‌بوونی به‌ڕێز م.كوێستان موحه‌ممه‌د، وه‌زیری كارو كاروباری كۆمه‌ڵایه‌تی‌‌و هه‌ریه‌كه له به‌ڕێزان م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و م.فواد سدیق، به‌ڕێوه‌به‌ری گشتی دیوان به وه‌كاله‌ت‌و یوسف چاوشین، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای هه‌ولێرو ژماره‌یه‌ك له به‌رپرسانی وه‌زاره‌تی كارو چاودێری كۆمه‌ڵایه‌تی سلێمانی‌‌و هه‌ولێرو دهۆك‌و گه‌وره به‌رپرسانی بواری پاراستنی منداڵ له ڕێكخراوی یونسێف له هه‌ردوو نوسینگه‌ی به‌غداو هه‌رێمی كوردستان‌و نوێنه‌رانی وه‌زاره‌ته‌كانی ناوخۆو په‌روه‌رده‌و ته‌ندروستی، ۆرك شۆپێكی تایبه‌ت به هه‌ڵسه‌نگاندنی پڕۆگرامی تایبه‌ت به پاراستنی منداڵ له‌هۆڵی هۆتێل ڕۆتانا له شاری هه‌ولێر به‌ڕێوه‌چوو.
له سه‌ره‌تای ۆرك شۆپه‌كه‌دا به‌ڕێز وه‌زیری كارو كاروباری كۆمه‌ڵایه‌تی وته‌یه‌كی پێشكه‌شكردو له وته‌كه‌یدا به بایه‌خه‌وه باسی له چوارچێوه‌ی یاسایی و ڕێوشوێنه‌كان كرد بۆ پاراستنی منداڵ له هه‌رێمی كوردستان‌و ئاماژه‌ی به‌و پێشكه‌وتنانه كرد كه هه‌رێمی كوردستان له بواری پاراستنی منداڵ به‌خۆیه‌و بینیوه به‌تایبه‌ت بونیاتنانی پڕۆژه‌ی خێزانی جێگره‌وه‌و واژۆكردنی سیستمی خێزانی جێگره‌وه له‌لایه‌ن به‌ڕێز سه‌رۆكی حكومه‌تی هه‌رێمی كوردستان‌و گه‌یشتن به قۆناغی كۆتایی ئاماده‌كاری یاسای پاراستنی منداڵ.
ۆرك شۆپه‌كه نزیكه‌ی پێنج سه‌عات به‌رده‌وام بوو و تیایدا ئاماده‌بووان گفتوگۆی بواره جیاجیاكانی په‌یوه‌ست به پرسی پاراستنی منداڵ له هه‌رێمی كوردستان كرد.
|