ئەنجومەنی فراوانی به‌ڕێوه‌به‌رایه‌تی گشتی كۆبوونه‌وه‌ی ئاسایی مانگانه‌ی خۆی به‌ڕێوه برد
"به ئه‌لكیترۆنیكردنی داتای ماڵه‌كان‌و به‌دواداچوونی یاسای كه‌مئه‌ندامان به‌رنامه‌یان بۆ دانرا"
ئەنجومەنی فراوانی به‌ڕێوه‌به‌رایه‌تی گشتی كۆبوونه‌وه‌ی ئاسایی مانگانه‌ی خۆی به‌ڕێوه برد
ڕۆژی پێنجشه‌ممه، 7ی 11ی 2019، به‌سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی یاریده‌ده‌ری به‌ڕێوه‌به‌ری گشتی‌‌و شاره‌زاكانی دیوان‌و به‌ڕێوه‌به‌ری فه‌رمانگه‌كان‌و سه‌رپه‌رشتیارانی په‌روه‌رده‌یی‌‌و به‌رپرسی به‌شه‌كانی دیوان، ئه‌نجومه‌نی فراوانی به‌ڕێوه‌به‌رایه‌تی گشتی كۆبوونه‌وه‌ی ژماره (7)ی ساڵی (2019)ی خۆی به‌ڕێوه‌برد.
له كۆبوونه‌وه‌كه‌دا ژماره‌یه‌ك به‌رنامه‌و پلان تاوتوێكران، گرنگترینیا به‌دواداچوونی پلان‌و به‌رنامه‌كانی ڕابردوو، دانانی به‌رنامه بۆ پاڵپشتی ئه‌ژماری كۆمه‌ك‌و هاوكاری خێرخوازان بۆ ماڵه‌كانی منداڵان‌و به‌ساڵاچووان‌و به ئه‌لیكترۆنیكردنی داتای سودمه‌ندانی ماڵه‌كان‌و كۆكردنه‌وه‌ی بۆچوون له‌سه‌ر ڕه‌شنوسی وه‌سفی وه‌زیفی وه‌زاره‌ت‌و به‌رنامه‌ی كۆبوونه‌وه‌ی به‌دواداچوونی ڕێبه‌ری ستانداری ئه‌ندازیاری بۆ گونجاندنی بیناو پڕۆژه‌و شوێنه گشتیه‌كان بۆ كه‌مئه‌ندامان ته‌وه‌رێكی تری كۆبوونه‌وه‌كه بوو.
سه‌باره‌ت به سه‌رجه‌م بڕگه‌و بابه‌ته‌كان، به‌شداربووانی كۆبوونه‌وه به‌شدارییه‌كی جیدیان كردو به بایه‌خه‌وه له‌سه‌ر به‌رنامه‌كان گفتوگۆیان كردو له ئه‌نجامدا به بڕیارو ڕاسپارده‌ی پێویست كۆبوونه‌وه‌كه كۆتایی هات، و واده‌ی كۆبوونه‌وی داهاتوو ژماره (8) له ڕۆژی چوارشه‌ممه، 11ی 12ی 2019 ده‌ست نیشانكرا.
|