پڕۆژەی دروستکرددنی بینای بەڕێوەبەرایەتی چاودێری کۆمەڵایەتی دەربەندیخان لە قۆناغی کۆتاییدایەو لە ئایندەیەکی نزیکدا خزمەتی تێدا دەکرێت
ڕۆژی سێشەممە، ٢٩ی ١٠ی ٢٠١٩، بە سەرپەرشتی بەڕێز م.عومەر گوڵپی، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بە هاوڕێیەتی هەریەکە لەبەڕێزان ئەندازیار بەختیار عەلی، بەرپرسی بەشی ئەندازیاری و ئەندازیار فەرەیدون مەجید، ئەندازیاری پڕۆژە، شاری دەربەندیخانیان بەسەرکردەوەو پاش دیداری بەرێز م.ناسیح مەلا حەسەن، قائمقامی دەربەندیخان بە هاورییەتی بەڕێز م.بەرزان مەحمود پڕۆژەی دروستکردنی بینای بەڕێوبەرایەتی چاودێری کۆمەڵایەتی سلێمانیان بەسەرکردەوە.
پڕۆژەی ناوبراو زیاتر لە سەدا هەشتای کارەکانی تەواو بووەو له ئاینده‌یه‌كی نزیكدا ده‌چێته بواری خزمه‌تكردن، و پڕۆژەکە بڕی نزیکەی (٨٠٠ ملیۆن دینار)ی بۆ تەرخانکراوو لەلایەن کۆمپانیای ڕیڤان رۆد جێ بەجێ دەکرێت.
لەو سەردانەدا بەڕێز بەرێوەبەری گشتی ژمارەیەکی رێنمایی ئاراستەی ئەندازیاری پڕۆژەو کۆمپانیای جێ بەجێکار کرد کە زۆرینەیان پەیوەندییان بە چۆنیەتی گونجانی بیناکە بوو بۆ ژیانی هاووڵاتیانی خاوەن پێداویستی تایبەت هەروەها تۆکمەیی زیاتری پرۆژەکەو سەلامەتی بۆ هاووڵاتیان.
|