له به‌ڕێوه‌به‌رایه‌تی ڕانیه، یه‌كه‌م سيمينارى هوشيارى ياسايى بؤ كارمه‌ندان به‌ڕێوه‌چوو
ڕۆژی دووشه‌ممه، 28ی 10ی 2019، له وتنه‌وه‌ی به‌ڕێز مافناس هیوا ڕه‌حمان، ڕاوێژكاری یاسایی،و به ئاماده‌بوونی به‌ڕێز شه‌ماڵ عەباس، به‌ڕێوه‌به‌ری چاودێری كۆمه‌ڵایه‌تی ڕانیه به وه‌كاله‌ت‌و به‌رپرسی هۆبه‌كان‌و ژماره‌یه‌ك له كارمه‌ندان،ی به‌ڕێوه‌به‌رایه‌تی ڕانیه، یه‌كه‌م سیمیناری ڕاهێنانی وشیاركردنه‌وه‌و ئاشناكردنی كارمه‌ندان به یاسا به‌ركاره‌كان به‌ڕێوه‌چوو، به‌تایبه‌ت یاسای (ڕێككاری كارمه‌ندانی ده‌وڵه‌ت‌و كه‌رتی گشتی) و ڕێنمایی ژماره‌ی (1)ی (ڕه‌فتاری پیشه‌یی) ده‌رچوو له ده‌سته‌ی ده‌ستپاكی هه‌رێم.
له سیمیناره‌كه‌دا به‌ڕێز هیوا ڕه‌حمان، پوخته‌ی هه‌ردوو یاساو ڕێنمایی ئاماژه‌بۆكراوی سه‌ره‌وه‌ی بۆ ئاماده‌بوون خسته‌ڕوو، پاشان ئاماده‌بووانیش به سه‌رنج‌و تێبینی و پرسیاره‌كانیان به‌شداری سیمیناره‌كه‌بوون.
به پێی ڕاسپارده‌ی كۆبوونه‌وه‌ی ژماره (8)ی ئه‌نجومه‌نی دیوانی به‌ڕێوه‌به‌رایه‌تی گشتی كه له به‌رواری 23ی 10ی 2019 به‌ڕێوه‌چوو، له پێناو ئاشناكردنی سه‌رجه‌م كارمه‌ندانی سنوری كاری به‌ڕێوه‌به‌رایه‌تی گشتی له ڕێگه‌ی سیمیناره‌وه سه‌رجه‌م كارمه‌ندان ئاشنای یاسا به‌ركاره‌كان بكرێن كه په‌یوه‌ندی نێوان دامه‌زراوه‌و كارمه‌ند ڕێك ده‌خات‌و ئاشنای ئه‌رك‌و مافه‌كانی ده‌كات.
به پێی ئه‌و بڕیاره‌ی كۆبوونه‌وه‌ی ئه‌نجومه‌نی دیوانی به‌ڕێوه‌به‌رایه‌تی پێویسته له ماوه‌ی (120) ڕۆژدا، سه‌رجه‌م كارمه‌ندانی سنوری به‌ڕێوه‌به‌رایه‌تی گشتی كه ژماره‌یان زیاتره له (1000) كارمه‌ند له‌و ڕاهێنانه‌دا به‌شداربن، سه‌رجه‌م ئامانجی ڕاهێنانه‌كه‌ش بریتیه له به‌رزكردنه‌وه‌ی توانای دامه‌زراوه‌كان‌و باشتر ئه‌نجامدانی كاره‌كان‌و پاراستنی كارمه‌ندان له هه‌ڵه‌و كه‌م‌و كورتی و ئاشناكردنیان به مافه‌كانیان.
|