به‌ڕێوه‌به‌ری گشتی پێشوازی له ڕێكخراوی ژیان ده‌كات
ڕۆژی سێشه‌ممه، 10ی 9ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێز خه‌نده عه‌لی، به‌رپرسی به‌شی پارێزگاری خێزان به وه‌كاله‌ت، پێشوازیكرد له شاندێكی ڕێكخراوی ژیان كه به‌مه‌به‌ستی هه‌ماهه‌نگی‌‌و چۆنیه‌تی گه‌یاندنی خزمه‌تگوزاری ده‌روونی‌‌و چاره‌سه‌ری ده‌روونی بۆ سودمه‌ندان له سنوری كاری به‌ڕێوه‌به‌رایه‌تی گشتی.
لای خۆیه‌وه به‌ڕێز به‌ڕێوه‌به‌ری گشتی كاره‌كانی ڕێكخراوی ژیانی به گرنگ وه‌سفكردو پێشوازی له ده‌ستپێشخه‌رییه‌كه‌یان كردو میكانیزمی گونجاوی بۆ ڕێكخستنی چۆنیه‌تی سودوه‌رگرتن له ده‌ستپێشخه‌رییه‌كه‌یان ده‌ستنیشانكردو به‌شی پارێزگاری خێزانی ڕاسپارد هه‌ماهه‌نگی ته‌واو بكات له‌گه‌ڵ ڕێكخراوی ناوبراو بۆ سودوه‌رگرتن له توانای سه‌نته‌رو كلینیك‌و مامۆستاو ڕاهێنه‌رانی ڕێكخراوه‌كه بۆ باشتر خزمه‌تكردنی دامه‌زراوه كۆمه‌لایه‌تییه‌كان‌و به‌هاناوه‌چوونی ئه‌و سودمه‌ندانه‌ی ڕووبه‌ڕووی ته‌نگژه‌ی ده‌روونی ده‌بنه‌وه، هه‌روه‌ك به‌شێكی گفتوگۆكان سه‌باره‌ت به چۆنیه‌تی سازدانی خول‌و ڕاهێنان بوو بۆ ستافه‌كان له بواری هوشیاری‌‌و چاره‌سه‌ری ده‌روونیدا.
|