كۆبوونه‌وه‌ی راویژكاری ماف و ئیمتیازاتی هاوڵاتیانی خاوه‌ن پێداویستی تایبه‌ت به‌ڕیوه‌چوو.
كۆبوونه‌وه‌ی راویژكاری ماف و ئیمتیازاتی هاوڵاتیانی خاوه‌ن پێداویستی تایبه‌ت به‌ڕیوه‌چوو.
به‌مه‌به‌ستی راوێژكردن ده‌رباره‌ی كێشه‌و گرفتی كه‌مئه‌ندامان خاوه‌ن پێداویستیه تایبه‌ته‌كان به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی سلێمانی كۆبوونه‌وه‌یه‌كی راوێژكاری ئه‌نجامدا.
ئه‌مرۆ، سێ شه‌مه 19 ی نیسان، كۆبوونه‌وه‌ی راوێژكاری ده‌رباره‌ی ماف و ئیمتیازاتی هاوڵاتیانی كه‌مئه‌ندام و خاوه‌ن پێداوبستی تایبه‌ت له دیوانی به‌رێوه‌به‌رایه‌تی گشتی چاودێری و گه‌شه‌پێدانی كۆمه‌ڵایه‌تی به‌ریوه‌چوو. به‌سه‌رپه‌رشتی خاتوو، ئه‌ڵوه‌ن عبدالغفور، جێگری به‌رێوه‌به‌ری گشتی چاودێری و گه‌شه‌پێدانی كۆمه‌ڵایه‌تی وبه ئاماده‌بوونی لیپرسراوی به‌شی یاساو هۆبه‌ی دراسات و توێژینه‌وه‌ی به‌رێوه‌به‌رایه‌تی گشتی و نوێنه‌ری به‌شی ئه‌ندازیاری پارێزگای سلێمانی و نوێنه‌ر رێكخراوه كه‌مئه‌ندامی و خاوه‌ن پێداویتسیه‌تایبه‌ته‌كان.
له كۆبوونه‌وه‌كه‌دا، به‌شداربووان گفتوگۆیه‌كی چڕیان كرد ده‌رباره‌ی كێشه‌ی هاوڵاتیانی كه‌مئه‌ندام له رابردوو له ئیستادا هه‌ر له‌یاسای ماف و ئیمتیازاتی كه‌مئه‌ندامان و خاوه‌ن پێداویستیه تایبه‌ته‌كان و ئه‌و مافانه‌ی كه بۆیان ده‌سته‌به‌ركراوه‌و ته‌واوی ئه‌و مافانه‌ی كه كه‌مئه‌ندامان جه‌ختی له‌سه‌رده‌كه‌نه‌وه بۆ به‌ده‌ستهێنانی و تا ده‌گاته كێشه‌ی نه‌دان و راگرتنی مووچه كه‌ئه‌ندامان كه له ئێستادا باسی زۆری له‌سه‌ر ده‌كرێت .
ئامانجی كۆبونه‌وه‌كه راویژكردن بوو ده‌رباره‌ی جێبه‌جێكردنی ئه‌و بڕگانه‌ی كه له یاسای ماف و ئیمتیازانی كه‌مئه‌نداماندا هاتووه له هۆشیاركرنه‌وه‌ی كۆمه‌ڵگه به‌رامبه‌ر كه‌مئه‌ندامان و جێبه‌جێكردنی مافه ته‌ندروستی و په‌روه‌رده‌ی و وه‌رزشی و هونه‌ری و كۆمه‌لاتیه‌كانی كه‌مئه‌ندام كه به ڕوونی له یاساكه‌دا دیاریكراوه بۆ چاودێریكردنی چۆنیه‌تی جێبه‌جێكردنی ئه‌و برگه یاساییانه كه پێویست به تێچووی مادی نیه و ته‌نها به ده‌ركردنی رێنمایی و نوسراوی تایبه‌ت له پارێزگاكاندا ده‌توانرێت جیبه‌جێ بكرێن و ته‌نها به‌دواداچوونی پێویسته بۆ ئه‌و مه‌به‌سته‌ش به‌شداربووان پێشنیاریانكرد به پێكهانی لیژنه‌ی چاودێریكردن له به‌رێوه‌به‌رایه‌تی گشتی به هاوكاری سه‌رجه‌م رێكخراوه كه‌مئه‌ندامییه‌كان له سنوری پارێزگای سلێمانی بۆ جێبه‌جێكردنی ئه‌و بڕگه‌یاساییانه‌ی كه پێویسته سه‌رجه‌م ده‌زگاو دامه‌زراوه فه‌رمی و نافه‌رمییه‌كان پێوه‌ی پابه‌ند بن.
|