به‌ڕێوه‌به‌رایه‌تی گشتی كاته‌كانی وه‌رگرتنی منداڵ له دایه‌نگه حكومییه‌كان ده‌ستنیشان ده‌كات
بزانه دایه‌نگه حكومییه‌كان كه و چۆن منداڵ وه‌رده‌گرن‌و مه‌رجیان چییه؟
به‌ڕێوه‌به‌رایه‌تی گشتی كاته‌كانی وه‌رگرتنی منداڵ له دایه‌نگه حكومییه‌كان ده‌ستنیشان ده‌كات
به پێی گشتاندنی ژماره (3209) له به‌رواری (4ی 8ی 2019)، كه له به‌شی دایه‌نگه‌كانی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌لایه‌تی سلێمانی ده‌رچووه كاتی ده‌كانی وه‌رگرتنی منداڵ له دایه‌نگه حكومییه‌كان و شێوازی مامه‌ڵه‌كردن له‌گه‌ڵ دایكان‌و باوكان بۆ وه‌رگرتنی منداڵه‌كانیان له دایه‌نگه حكومییه‌كان ده‌ست نیشان ده‌كات.
به پێی خاڵی ژماره (1)ی ئه‌و گشتاندنه، ده‌رگای وه‌رگرتنی منداڵ له دایه‌نگه حكومییه‌كان به درێژایی ساڵ له‌سه‌ر پشته بۆ ئه‌و دایك و باوكانه‌ی خوازیاری خزمه‌تگوزاری دایه‌نگه‌ن بۆ منداڵه‌كانیان، ته‌نها له مانگی (8)ی هه‌ر سالێكدا نه‌بێت كه وه‌رگرتنی منداڵ تیایدا ده‌وه‌ستێت به‌مه‌به‌ستی ڕێكخستنه‌وه‌ی دایه‌نگه.
هه‌ر به پێی ئه‌و گشتاندنه له‌سه‌ر دایه‌نگه پێویست كراوه كه به پێی توانا ماددی و مرۆییه‌كانی به به‌رده‌وامی منداڵ وه‌رگرێت، ئه‌گه‌ر هات و منداڵێكش نه‌هێنرایه‌وه بۆ ده‌وام، ئه‌وه ته‌نها یه‌ك مانگ مۆڵه‌تی ده‌درێتێ‌‌و مانگی دواتر شوێنه‌كه‌ی به منداڵێكی تر پڕ ده‌كرێتی‌ه‌وه.
به پێی گشتاندنه‌كه له‌سه‌ر دایه‌نگه پێویست كراوه كه تۆمارێكی تایبه‌ت به‌و منداڵانه‌ی هه‌بێت كه ده‌یانه‌وێت سودمه‌ندبن له دایه‌نگه وه‌ك تۆماری سه‌ره‌و نۆبه‌ی وه‌رگرتنی منداڵ‌و تۆماره‌كه ده‌ستكاری ناكرێت‌و تێبی پێویستی تێدا تۆمارده‌كرێت.
دایه‌نگه حكومییه‌كان ده‌رگایان له‌سه‌ر پشته بۆ منداڵانه‌ی دایكیان ده‌وامێكی فه‌رمیان هه‌یه له ده‌زگاكانی حكومه‌ت یان له كه‌رتی تایبه‌ت و ده‌رفه‌تی چاودێری منداڵه‌كانیان نییه به درێژایی هه‌فته‌و ڕۆژانه شه‌ش سه‌عات.