به‌ڕێوه‌به‌رایه‌تی گشتی پێشوازی له وه‌زیری كارو كاروباری كۆمه‌ڵایه‌تی ده‌كات
ڕۆژی دووشه‌ممه، 5ی 8ی 2019، به‌ڕێز خاتوو كوێستان موحه‌ممه‌د، وه‌زیری كارو كاروباری كۆمه‌ڵایه‌تی به‌هاوڕێیه‌تی ژماره‌یه‌ك له ڕاوێژكارو ستافی وه‌زاره‌ت، سه‌ردانی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌یتی له پارێزگای سلێمانی كردو له‌لایه‌ن به‌ڕێزان م.عومه‌ر گوڵپی، به‌ڕێوه‌به‌ری گشتی و سه‌رجه‌م شاره‌زاكانی دیوان و به‌ڕێوه‌به‌ری كارگێڕی‌‌و به‌رپرسی به‌شه‌كان‌و به‌ڕێوه‌به‌ری فه‌رمانگه‌كان‌و به‌رپرسی ژماره‌یه‌ك هۆبه له دیوانی به‌ڕێوه‌به‌رایه‌تی گشتی پێشوازی لێكرا.
له دیدارێكدا وێڕای پیرۆزبایی، به‌ڕێز به‌ڕێوه‌به‌ری گشتی ئاماژه‌ی به ڕۆڵی گرنگ‌و كاریگه‌ریی فه‌رمانگه‌كانی سنوری به‌ڕێوه‌به‌رایه‌تی گشتی كرد، هه‌روه‌ك به كورتی ئاماژه‌ی به كێشه‌و گرفته‌كانی كه‌مئه‌ندامان و هه‌ژاره‌كان كردو هیوای خواست له ئاینده‌یه‌كی نزیكدا سه‌رجه‌م ئه‌و خزمه‌تگوزارییانه‌ی خه‌ڵك چاوه‌ڕێیانه له كابینه‌ی نوێی حكومه‌ت و وه‌زاره‌تی كارو كاروباری كۆمه‌ڵایه‌تی چاره‌سه‌ر ببن، پاشان هه‌ریه‌كه له ئاماده‌بووانی به‌ڕێز له‌باره‌ی كاره‌كانی خۆیان‌و ده‌ستكه‌وته‌كان له‌لایه‌ك‌و كێشه‌و گرفته‌كان له‌لایه‌كی تره‌وه گفتوگۆیان كرد.
له‌و به‌سه‌ركردنه‌وه‌یه‌دا به‌ڕێز وه‌زیری كارو كاروباری كۆمه‌ڵایه‌تی به‌ڵێنیدا ئه‌وپه‌ڕی توانای خۆی بخاته گه‌ڕ بۆ ئه‌وه‌ی توانای پێشكه‌شكردنی خزمه‌تگوزارییه‌كان له چوار ساڵی ئاینده‌دا باشتر بكات‌و ئاستی خزمه‌تگوزارییه كۆمه‌ڵایه‌تییه‌كان به‌رز بكاته‌وه، هه‌روه‌ك ده‌ستخۆشی له كارو چالاكییه‌كانی به‌ڕێوه‌به‌رایه‌تی گشتی و دامه‌زراوه‌كانی كردو هیوای سه‌ركه‌وتنی بۆ خواستن.
هه‌رله میانه‌ی سه‌ردان و به‌سه‌ركردنه‌وه‌كه‌یدا، به‌ڕێز وه‌زیری كارو كاروباری كۆمه‌ڵایه‌تی به هاوڕێیه‌تی به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به‌ڕێوه‌به‌رایه‌تی چاودێری كۆمه‌ڵایه‌تی سلێمانیان به‌سه‌ركرده‌وه‌و دواتر سه‌ردانی هێڵى گەرمى فریاکەوتنى منداڵان و ماڵه‌كانی به‌ساڵاچووان و منداڵانی كردو له نزیكه‌وه ئاگاداری ژیانی منداڵان به ساڵاچووان بوو و ئاگاداری چۆنیه‌تی خزمه‌تكردنی سودمه‌ندان بوو.
|