به‌ڕێوه‌به‌ری گشتی پیرۆزبایی له ڕێكخراوی خوشكانی ئیسلامی كوردستان ده‌كات
به‌بۆنه‌ی به‌ستنی كۆنگره‌كه‌یان‌و ده‌ستبه‌كاربووونی ستافی نوێی سكرتارییه‌تیان، به‌ڕێوه‌به‌ری گشتی سه‌ردانی مه‌كته‌بی سكرتارییه‌تی ڕێكخراوی خوشكانی ئیسلامی كوردستان ده‌كات .
پاشنیوه‌ڕۆی ڕۆژی یه‌كشه‌ممه، 17ی نیسانی 2016، عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، سه‌ردانی مه‌كته‌بی سكرتارییه‌تی ڕێكخراوی خوشكانی ئیسلامی كوردستانی كردو له‌لایه‌ن قومریه موحه‌ممه‌د، سكرتێرهو په‌روین نه‌جمه‌دین‌و مه‌هاباد عه‌بدول‌و شنۆ پێنجوێنی‌و په‌یام مه‌حمود، ئه‌ندامانی سكرتاییه‌ته‌وه پێشوازیكرا .
له‌و دیداره‌دا سه‌ره‌ڕای پیرۆزبایی له سكرتێرهو سكرتارییه‌تی نوێی ڕێكخراو، به‌ڕێوه‌به‌ری گشتی باسی له كێشه‌و گرفته‌كانی ئافره‌تان له كۆمه‌ڵگه‌و گرنگی‌‌و بایه‌خی كاركردن بۆ ئافره‌تان كرده‌وه چ له ڕووی هوشیاریی‌‌و چ له ڕووی داكۆكی له مافه‌كانیانه‌وه، ئه‌وه‌شی به كاری جیدی ڕێكخراوه‌كان زانی‌‌و له‌و ڕووه‌شه‌وه ئاماده‌یی خۆی بۆ هه‌ماهه‌نگی‌‌و هاوكاری له‌گه‌ڵ تێكڕای ڕێكخراوه‌كان‌و ڕێكخراوی خوشكان دووپاتكرده‌وه .
|