به‌ڕێوه‌به‌ری گشتی پیشوازی له ڕێكخراوی ناوه‌ندی نیشتیمانی بۆ مافه‌كانی مرۆڤ ده‌كات
ڕۆژی سێشه‌ممه، 24ی 4ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگاری سلێمانی به ئاماده‌بوونی به‌ڕێز نوخشه ڕه‌سوڵ، به‌ڕێوه‌به‌ری كارگێڕی دیوان پێشوازیكردن له عیماد موحه‌ممه‌د، به‌ڕێوه‌به‌رو ژماره‌یه‌ك له ئه‌ندامانی ڕێكخراوی ناوه‌ندی نیشتیمانی بۆ مافه‌كانی مرۆڤ كه ڕێكخراوێكی نێو خۆییه كارده‌كات بۆ په‌ره‌پێدانی مافی مرۆڤ‌و هوشیاری په‌یوه‌ندیدار به مافه‌كانی مرۆڤه‌وه.
له‌و دیداره‌دا ڕێكخراوه‌كه سوپاس و ڕێزی خۆیان پێشكه‌ش به به‌ڕێوه‌به‌ری گشتی كرد كه هانده‌رو پاڵپشتی كاره‌كانیانه‌و پشتیوانیان ده‌كات له باشتر به‌ڕێوه‌چوونی كاره‌كانیان.
له وته‌یه‌كیدا به‌ڕێز به‌ڕێوه‌به‌ری گشتی وتی:" ئێمه به پێویستی ده‌زانین سوپاسی ئێوه بكه‌ین كه توانیوتانه له بوارێكی گرنگدا كاربكه‌ن و به چاودێری دامه‌زراوه‌كانمان له ڕووی پاراستنی مافی مرۆڤه‌وه هاوكارمان بن"، هه‌وره‌ك پاڵپشتی خۆی و به‌ڕێوه‌به‌رایه‌تی گشتی بۆ ڕێكخراوه‌كه‌یان دووپاتكرده‌وه.
|