+ وێنه : ئاهه‌نگی كۆتایی پاڵه‌وانێتیه‌كی نابینایان به‌ڕێوه‌ده‌چێت
سه‌عات 10ی سه‌رله‌به‌یانی ڕۆژی سێشه‌ممه، 12ی نیسانی2016، به ئاماده‌بوونی گه‌شه دارا حه‌فید، سه‌رۆكی لیژنه‌ی كاروباری كۆمه‌ڵایه‌تی له په‌رله‌مانی كوردستان‌و عومه‌ر گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، یه‌كێتی نابینایان ئاهه‌نگی كۆتایی پاڵه‌وانێتی یاریی شه‌ت داون (تێنسی تایبه‌ت به نابینایان) ی به‌ڕێوه‌برد .
له‌و ئاهه‌نگه‌دا كه هاوبه‌ش نیعمان، سه‌رۆكی یه‌كێتی نابینایان‌و شێخ موحه‌ممه‌د، جێگری سه‌رۆكی كۆمه‌ڵه‌ی ڕۆژو نوێنه‌ری كۆمه‌ڵه‌ی هیوای كه‌مئه‌ندامان‌و ژماره‌یه‌ك له وه‌رزشوان‌و نوێنه‌ری ڕێكخراوه‌كان ئاماده‌یبوون، خه‌ڵات به‌سه‌ر به‌شداربووان‌و سه‌ركه‌وتووانی پاڵه‌وانێتییه‌كه‌دا دابه‌شكرا .
|