به‌ڕێوه‌به‌ری گشتی پێشوازی له شاندێکی هاوبەشی هەردوو ڕێكخراوی (دیاکۆنی ئەڵمانی) و (ڕیچ) ده‌كات و جەخت دەکاتەوە لەوەی کارو خزمەتگوزارییە کۆمەڵایەتییەکان بۆ هەموو هاووڵاتیەکی دانیشتوی سنوری پارێزگایە بەبێ جیاوازی
به‌ڕێوه‌به‌ری گشتی پێشوازی له شاندێکی هاوبەشی هەردوو ڕێكخراوی (دیاکۆنی ئەڵمانی) و (ڕیچ) ده‌كات و جەخت دەکاتەوە لەوەی کارو خزمەتگوزارییە کۆمەڵایەتییەکان بۆ هەموو هاووڵاتیەکی دانیشتوی سنوری پارێزگایە بەبێ جیاوازی
ڕۆژی چوارشەممە، 27ی 3ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان ئەڵوەن عه‌بدولغه‌فوور، یاریده‌ده‌ری به‌ڕێوه‌به‌ری گشتی بۆ كاروباری هونه‌ری‌‌و پرشنگ كه‌ریم، به‌رپرسی په‌یوه‌ندییه‌كان‌و سۆران سه‌عید، به‌رپرسی به‌شی پلان‌و به‌دواداچوون، پێشوازیكرد له به‌ڕێزان خاتوو سه‌ندرین زوگێر‌و ئاكام كه‌مال، شاندی هاوبه‌شی هه‌ردوو ڕێكخراوی دیاكۆنی ئه‌ڵمانی‌‌و ڕێكخراوی ڕیچ.
ئامانجی سه‌ردانه‌كه بریتیبوو له پیاچوونه‌وه‌و هه‌ڵسه‌نگاندنی به‌رنامه‌كانی ڕابردووی ڕێكخراوه‌و دانانی به‌رنامه‌ی چوار ساڵی داهاتوو، هه‌روه‌ها وه‌رگرتنی پێشنیاری به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی سلێمانی بۆ خزمه‌تكردنی منداڵان‌و به‌ساڵاچوان‌و ژنان و خێزان له سنوری پارێزگای سلێمانی‌‌و زانینی تواناو ئاماده‌یی دامه‌زراوه كۆمه‌ڵایه‌تییه‌كان بۆ ئه‌و به‌رنامانه.
له ماوه‌ی نزیكه‌ی سه‌عاتێكدا به‌ڕێز به‌ڕێوه‌به‌ری گشتی‌‌و ئاماده‌بووان زۆر به‌باشی بۆچوونی به‌ڕێوه‌به‌رایه‌تی گشتی و توانای دامه‌راوه كۆمه‌ڵایه‌تییه‌كانی بۆ میوانه‌كان خسته‌ڕوو، له‌و باره‌یه‌وه به‌ڕێز م.عومه‌ر گوڵپی وتی:" كارو خزمه‌ته‌كانی ئێمه به‌بێ جیاوازی نه‌ته‌وه‌یی‌‌و ئاینی بۆ هه‌موو ژنان‌و منداڵانه‌و له ئاستێكی به‌رزدا هاوكاری ڕێكخراوو ده‌زگا په‌یوه‌ندیداره‌كان ده‌بین له هه‌موو بواره‌كانی پاراستنی منداڵان‌و ژنان‌و هاووڵاتیانی خاوه‌ن پێداویستی تایبه‌ت".
|