به‌ڕێوه‌به‌ری گشتی سه‌نته‌ری ئۆتیزم به‌سه‌رده‌كاته‌وه‌و ده‌ستخۆشی له ستافه‌كان ده‌كات
سه‌عات 3ی پاشنیوه‌ڕۆی ئه‌مڕۆ، 26ی 3ی 2019، به‌مه‌به‌ستی هه‌ڵسه‌نگاندنی كاره‌كانیان، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی هه‌ریه‌كه له به‌ڕێزان ئاراس ناصر، به‌رپرسی به‌شی پارێزگاری خێزان‌و ڕه‌حمان عه‌لی، به‌رپرسی سه‌نته‌ری ئۆتیزم سه‌ر به به‌ڕێوه‌به‌رایه‌تی چاودێری كه‌مئه‌ندامانی سلێمانی شه‌فتی دووه‌می ده‌وامی سه‌نته‌ری ئۆتیزمی به‌سه‌ركرده‌وه‌و له نزیكه‌وه گوێی له ستاف‌و ڕاهێنه‌ره‌كان گرت‌و چاودێری پرۆسه‌ی ڕاهێنانی منداڵانی كرد.
هەر لە سەردانەکەیدا بەرێز بەڕێوەبەرى گشتى چاوی بە ژمارەیەک لە دایکان و باوکانى منداڵان کەوت و لە بارەى کارەکانى سەنتەرەکەو شێوازى ڕاهێنانەکان و ئاستى سودوەرگرتنیان پرسیارى لێکردن.
پاش ته‌واو كردنی بینای نوێی سه‌نته‌ری ئۆتیزم له سلێمانی‌‌و زیادكردنی ستافی سه‌نته‌ره‌كه، له ئێسته‌دا توانای ڕاهێنانی منداڵان له سه‌نته‌ره‌كه‌دا به‌رزبووته‌وه بۆ 60 منداڵ، پاش هه‌ڵسه‌نگاندی به‌رنامه‌ی ئێسته‌ی سه‌نته‌ره‌كه‌ش، بڕیاروایه منداڵی زیاتر بۆ ڕاهێنان وه‌ربگیرێت.
|