ئاگادارییەکی گرنگ لەبارەی تۆمارکردنی نەخۆشانی شەکرە وەک کەمئەندام و دابینکردنی مووچەو هاوکاری.
بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی، بە مەبەستی ڕوونکردنەوە و ڕێگریکردن لە هەر جۆرە تێگەیشتنێکی هەڵە، هاوڵاتیانی بەڕێزی پارێزگای سلێمانی ئاگادار دەکاتەوە کە:
لە ئێستادا، هیچ جۆرە مامەڵەیەک بۆ تۆمارکردنی نەخۆشانی شەکرە وەک کەمئەندام، بە مەبەستی وەرگرتنی هاوکاری دارایی یان مووچەی کەمئەندامی، لەلایەن ئەم بەڕێوەبەرایەتییەوە ئەنجام نادرێت.
بۆیە، داوا لە هاوڵاتیانی بەڕێز دەکەین بە مەبەستی تۆمارکردن یان پێشکەشکردنی داواکاری لەم بارەیەوە، سەردانی بەڕێوەبەرایەتی گشتی نەکەن و پشت بە هیچ زانیارییەکی نافەرمی و بڵاوکراوەی بێ سەرچاوە نەبەستن.
هەروەها، جەخت لەوە دەکەینەوە کە هەر گۆڕانکارییەک لەم بارەیەوە، تەنها لە ڕێگەی کەناڵە فەرمییەکانی بەڕێوەبەرایەتییەوە ڕادەگەیەنرێت.
لە کۆتاییدا، هیوای تەندروستی و سەلامەتی بۆ هەموو هاوڵاتیانی بەڕێز دەخوازین.
لەگەڵ ڕێزدا
بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی
٢٢ـی ١١ـی ٢٠٢٦
|