هەندێک ڕەفتاری نادروست بەساڵاچوانمان خەمبار دەکات هەموان دەزانین ژیان تێ دەپەڕێت، دەکەوینە ئەو قۆناغەوە کە پێی دەوترێ بەساڵاچوو، لەم قۆناغەشدا هاوشێوەی منداڵێک پێویستیان بە هاوکاری گەنجەکانە.
ئەگەر دایک و باوکت یاخود نەنک و باپیرت لە ژیاندا ماون، لە قۆناغی بەساڵاچووندان پێویستە بەمشێوەیە رەفتاریان لەگەڵدا بکەیت

1-بەشێوەیەکی جوان هەمیشە پێشوازی لێبکە، هەموو کات بۆ ئەوەی هەستبکات، تۆ بە بوونی ئەو ئاسوودەیت.

2-هەمیشە چانسی بدەرێ هەستەکانی خۆی دەربڕێت.

3-هەموو کاتێک دووریمەخەرەوە، هەوڵبدە لە کاتی کۆبوونەوە خێزانیەکان یان ژەمەکانی نان خواردن لەگەڵ ئێوەبێت، تا هەست بە گرنگی خۆی بکات.

4-بارودۆخێکی خۆش و پێکەنیناوی بۆ سازبکە، بۆ نمونە چیرۆکێکی خۆشی بۆ باسبکە یان فیلمێکی کۆمیدی، واتە پێویستە لە خەم دووربکەوێتەوە.

5-زۆر پێیان خۆشە پرسیار لە رابردوو، یان چیرۆکی ژیانیان بکەیت، بەڵام کاتێک دەدوێت قسەکانی پێ مەبڕە، چونکە دڵگران دەبێت.


-بەگوێرەی توانا هەوڵبدە داواکاریەکانی جێبەجێ بکە، بۆ نمونە حەز بە خواردنێک دەکات، یان پارکێک.

7-رێز لە کەسایەتی و هەستەکانی بگرە، چونکە تەنها یەک وشەی ناخۆش هاوشێوەی منداڵێک دڵی بریندار دەکات و خەمی پێدەخوات.

8-بە وشەو کردار نیشانیبدە، کە بوونی ئەو لەو خێزانەدا یان لەو جێگایەدا گرنگە، نەک کارێک بکەیت هەستبکات کەسێکی زیادە و بێزارکەرە