گەشەی زمانی مندڵان ، بەچەند  قۆناغێك  تێدەپەڕيت ، منداڵان  بە نزیکەیی لە تەمەنی  (١)یەک ساڵيدا ، يەکەم  ووشە ئەدركێنن ، وەهەندێ   لە منداڵان  لەتەمەنی(٨) مانگيدا ،وە هەندێكيشيان لە تەمەنی(١٦) مانگيدا يەکەم  ووشە  ئەدركێنن ، ئەم  تەمەنانە پێی  ئەڵێن دەستپێكی يەکەم بۆ  وتنی  يەکەم  ووشە،  يان  هەنگاوی  يەکەم  بۆ  قسەكردن .
لەم  قۆناغی  يەك  ووشەيەدا ، منداڵ  ئەتوانێ  ووشەكان  دوبارە  بكاتەوە ،يان  ناوی  شتێك  بهێنێت، يان  پرسيارێك  بكات،  يان داواكارييەك بكات،  يان  گلەييەك  بكات ، يان  ناوی  كەسێك  بهێنێت .
لەم  قۆناغانەی  گەشەی منداڵدا هەندێ  نيشانەی  نامۆ  هەیە ، كە پێويستە دايكان و باوكان بە  هەندی  وەربگرن و ئاگاداری بن و لەلايەن( پسپوری نەخوشی زانیی كێشەکانی زمان و ئاخاوتن) ببينرێن . لە گرنگترين نيشانەكان ئەمانەن :

١- نەبوونی هيچ جورە وەڵام دانةوەيەك لە منداڵانی تازە لە دايك بوو  تا  تەمەنی(٦) مانگ.

٢- سەیرنەكردنی چاو و دەموچاوی دايك  لەکاتی قسەكردن لەگەڵی لە منداڵانی تەمەن(٤)مانگ بۆ (٦)مانگ .

٣- گروگاڵ نەكردن و  زياتر  گريانی منداڵ لە تەمەنی(٦)مانگ بو (١٢)مانگ .

٤- نەوتنی  تەنها  يەك ووشە  لە منداڵانی تەمەن (١٢) مانگ بۆ (١٨) مانگ .

٥- تيێنەگەیشتن لە دەستورەکان و بەكارهێنانی ئيشارەت بۆ خواستەکانی لەتەمەنی (١٨) مانگ بۆ (٢٤) مانگ .  لەم قۆناغەدا پێويستە(٥٠) ووشە  بزانێت.

٦- تێنەگەيشتن و نەبونی  ڕێکخستن لە رستەكانی منداڵ لە تەمەنی(٢) ساڵ بۆ (٣) ساڵ .
دکتۆر نەوزاد چەمەنی
نەخۆشین زانی ئاخاوتن و ژێ