به‌ڕێوه‌به‌ری گشتی ماڵەکانی ساوایان و به‌ساڵاچووان به‌سه‌رده‌كاته‌وه
ڕۆژی دووشه‌ممه، 19ی 11ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی سلێمانی به هاوڕێیه‌تی هه‌ریه‌كه له به‌ڕێزان سه‌رنج حه‌مه‌سه‌عید، به‌ڕێوه‌به‌ری چاودێری كۆمه‌ڵایه‌تی سلێمانی و م.ئاراس ناصر، به‌رپرسی به‌شی پارێزگاری خێزان و سۆران سه‌عدی، به‌رپرسی به‌شی پلان سه‌ردانی ماڵه‌كانی منداڵانی ساواو ماڵی به‌ساڵاچووانی سلێمانی كرد.
سه‌ره‌تا به‌ڕێز به‌ڕێوه‌به‌ری گشتی و هاوڕێكانی له نزیكه‌وه سه‌ردانی ماڵی ساوایانی كردو له نزیكه‌وه ئاگاداری ژیانی منداڵانی ساوا بوون و گوێیان له به‌رپرس و كارمه‌ندانی ماڵه‌كه گرت له چۆنیه‌تی كاره‌كانی ڕۆژانه‌و ئه‌و كارو چالاكییانه‌ی بۆ منداڵانی ئه‌نجام ده‌ده‌ن، له به‌رانبه‌ر كاره‌كانیشیاندا به‌ڕێز به‌ڕێوه‌به‌ری گشتی سوپاس و ده‌ستخۆشی له به‌ڕێز خاتوو چۆپی عه‌لی، به‌رپرسی ماڵه‌كه و ته‌واوی كارمه‌ندان كرد كه دڵسۆزانه كاره‌كانیان ڕاده‌په‌ڕێنن.
له به‌شی دووه‌می سه‌ردانه‌كه‌یدا، به‌ڕێز به‌ڕێوه‌به‌ری گشتی سه‌ردانی ماڵی به‌ساڵاچووانی سلێمانی كردو له نزیكه‌وه یه‌ك یه‌ك به‌ساڵاچووانی سودمه‌ند له ماڵه‌كه‌ی به‌سه‌ركرده‌وه‌و ئاگاداری ژیان و ڕۆژانه‌و ئه‌و خزمه‌تگوزارییانه بوو كه پێشكه‌ش به به‌ساڵاچووان ده‌كرێت، له به‌رانبه‌ر ئه‌و كاره دڵسۆزانه‌شیاندا، به‌ڕێز به‌ڕێوه‌به‌ری گشتی سوپاس و ده‌ستخۆشی ئاراسته‌ی به‌ڕێز به‌ناز كه‌ریم، به‌رپرسی ماڵه‌كه‌و ته‌واوی كارمه‌ندان كرد.
|