به‌ڕێوه‌به‌ری گشتی پێشوازی له ڕێكخراوی هاریكاری یاسایی ژنان ده‌كات
ڕۆژی یه‌كشه‌ممه، 26ی 1ی 2020، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی پێشوازیكرد له شاندێكی ڕێكخراوی هاریكاری یاسایی ژنان کە به‌سه‌رۆكایه‌تی به‌ڕێز شۆخان حه‌مه‌ڕه‌شید، به‌ڕێوه‌به‌ری ڕێكخراوه‌كه سه‌ردانیان كردبوو.
له دیدارێكدا باس له ئه‌رك‌و كاری ماڵی داڵده‌دان‌و چۆنیه‌تی هاوكاریكردنی ڕێكخراوه‌كه بۆ ماڵه‌كه‌و ژنانی هه‌ڕه‌شه‌لێكراو كرا، لای خۆیه‌وه به‌ڕێز به‌ڕێوه‌به‌ری گشتی سیستمی كاركردنی ماڵی داڵده‌دانی ژنانی هه‌ڕه‌شه‌لێكراوی ڕوونكرده‌وه كه جه‌خت له‌سه‌ر سێ بنه‌مای سه‌لامه‌تی سودمه‌ندان‌و پاراستنی نهێنی‌‌و به‌دیهێنانی به‌رژه‌وه‌ندییان ده‌كاته‌وه، هه‌روه‌ك هێڵه گشتیه‌كانی ده‌رفه‌تی هاوكاری نێوان ڕێكخراوه‌كان‌و ماڵی داڵده‌دانی ڕوونكرده‌وه، ئه‌مه بێجگه له ده‌ستخۆشی له ڕێكخراوه‌كه كه له ماوه‌ی ڕابردوو هاوكارو پاڵپشت بوون بۆ بواری پاراستنی ژنان.
|