به‌ڕێوه‌به‌ری گشتی ژماره‌یه‌ك دامه‌زراوه‌ی كۆمه‌ڵایه‌تی به‌سه‌رده‌كاته‌وه‌و به‌دواداچوون بۆ كاره‌كانیان ده‌كات
"جه‌خت له‌سه‌ر پابه‌ندی به یاساو ڕێنماییه‌كان‌و پاراستنی سودمه‌ندان ده‌كاته‌وه"
به‌ڕێوه‌به‌ری گشتی ژماره‌یه‌ك دامه‌زراوه‌ی كۆمه‌ڵایه‌تی به‌سه‌رده‌كاته‌وه‌و به‌دواداچوون بۆ كاره‌كانیان ده‌كات
له سه‌عات (٧.٣٠ بۆ ١٠.٠٠) سەر لەبەیانى هه‌ردوو ڕۆژی چوارشه‌ممه‌و پێنجشه‌ممه، 22و 23ی 1ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی ژماره‌یه‌ك دامه‌زراوه‌ی كۆمه‌ڵایه‌تی به‌سه‌ركرده‌وه‌و له‌سه‌رجه‌م سه‌ردانه‌كاندا جه‌ختی له‌سه‌ر جێ به‌جێكردنی یاساو ڕێنماییه‌كان‌و پاراستنی مافی سودمه‌ندان كرده‌وه.
له ڕۆژی یه‌كه‌مدا، 22ی 1ی 2020، به‌ڕێز به‌ڕێوه‌به‌ری گشتی سه‌ردانی دایه‌نگه‌كانی (گوڵه‌مێخه‌ك)و (ساندیبێل)ی ناحكومی كرد، پاشان سه‌ردانی دیوانی به‌ڕێوه‌به‌رایه‌تی چاودێری كۆمه‌ڵایه‌تی سلێمانی و دواتر له‌گه‌ڵ به‌ڕێز خاتو ژیار جه‌لال، به‌ڕێوه‌به‌ری چاودێری كۆمه‌ڵایه‌تی سلێمانی سه‌ردانی ماڵی به‌ساڵاچووانی سلێمانی كرد، له‌و سه‌ردانانه‌یدا به‌ڕێز به‌ڕێوه‌به‌ری گشتی جه‌ختی له‌سه‌ر جێ به‌جێكردنی یاساو ڕێنماییه‌كان كرده‌وه‌و به‌ڕێوه‌به‌رو كارمه‌ندانی ڕێنماییكرد له‌سه‌ر باشتر كردنی ئاستی به‌ڕێوه‌بردنی ئه‌ركه‌كان، هه‌روه‌ك له‌گه‌ڵ ژماره‌یه‌ك له هاووڵاتیان گفتوگۆی كرد كه منداڵه‌كانیان بۆ دایه‌نگه‌كان ئه‌هێناو بۆچونیانی له‌سه‌ر كاری دایه‌نگه وه‌رگرتن.
له ڕۆژی دووه‌مدا، پێنجشه‌ممه، 23ی 1ی 2020، به‌ڕێوه‌به‌ری گشتی سه‌ردانی دایه‌نگه‌ی لاله‌ی ناحكومی‌‌و ماڵی نه‌وجه‌وانانی كچانی كرد، له‌و سه‌ردانانه‌دا كارو چالاكییه‌كانی ئه‌و دامه‌زراوانه‌ی له نزیكه‌وه بینی‌‌و به‌دواداچوونی پێویستی كرد بۆ كاره‌كان، هه‌روه‌ك ده‌ستخۆشی ئاراسته‌ی به‌ڕێز خاتوو مرواری، به‌ڕێوه‌به‌ری ماڵی نه‌وجه‌وانانی كچان كرد كه دڵسۆزانه ئه‌ركه‌كانی ڕاده‌په‌ڕێنێت.
|