ئاگادارییه‌ك بۆ دایه‌نگه‌كان
بەپێی مادده‌ی 10 له ڕێنمایی ژماره (1)ی ساڵی (2015)ی دایه‌نگه‌كان، پێویسته دایه‌نگه‌كان به شێوه‌ی خولی (سێ مانگ جارێك) ڕاپۆرتی مانگانه‌ی خۆیان پێشكه‌ش به به‌شی دایه‌نگه‌كانی به‌ڕێوه‌به‌رایه‌تی گشتی بكه‌ن، ژماره‌یه‌ك له دایه‌نگه‌كان وه‌ك پێیویست پابه‌ند نه‌بوون به‌م مادده‌یه‌وه، بۆیه ئاگاداری دایه‌نگه كه‌مته‌رخه‌مه‌كان ده‌كه‌ینه‌وه له زووترین كاتدا ڕاپۆرتی خۆیانه پێشكه‌ش بكه‌ن به‌و جۆره‌ی لێیان داواكراوه، ئه‌گه‌رنا له ئاینده‌یه‌كی نزیكدا ڕووبه‌ڕووی لێپێچینه‌وه‌ی یاسایی ده‌بنه‌وه.
ده‌قی مادده‌ی ده‌یه‌م له ڕێنماییه‌كه:
مادده‌ی ده‌یه‌م:
له‌سه‌ر دایه‌نگه پێویسته به‌شێوه‌ی خولی ڕاپۆرتی خۆی ئاراسته‌ی به‌ڕێوه‌به‌رایه‌تی گشتی/ به‌شی دایه‌نگه‌كان بكات، له‌باره‌ی:
یه‌كه‌م/ كاروچالاكیه په‌روه‌رده‌یی‌‌و كۆمه‌ڵایه‌تییه‌كانی كه ڕێكیان ده‌خات به‌مه‌به‌ستی گه‌شه‌ی منداڵه‌كان به‌جۆرێك به‌شێوه‌یه‌كی سروشتی‌‌و دروست گه‌شه بكه‌ن.
دووه‌م/ لیستێك له‌ناوی كارمه‌ندانی دایه‌نگه‌و تواناییه‌كانیان(كارامه‌ییه‌كانیان).
سێیه‌م/ لیستێك له ناوی منداڵه‌كان به ژماره‌و ته‌مه‌ن‌و ڕۆژی په‌یوه‌ندیكردنیان به دایه‌نگه‌وه.
بە پێی كۆنووسی ژماره به‌شی دایه‌نگه‌كانیش پێویسته ڕاپۆرته‌كه به‌مجۆره بێت:
( پێویسته دایه‌نگه‌كان پابه‌ندبن به ناردنی ڕاپۆرتی وه‌رزی خۆیانه‌وه بۆ به‌شی دایه‌نگه‌كان، به‌مجۆره: (1ی 9، 1ی 12، 1ی 3، 1ی 6 )ی هه‌موو ساڵێك، پێویسته ڕاپۆرته‌كه‌ش ته‌واوی زانیارییه‌كانی له‌باره‌ی (داتاكانی په‌یوه‌ست به منداڵ، لیستی ئاماده‌بوون‌و ئاماده نه‌بوونیان، چالاكییه په‌روه‌رده‌یی‌‌و كۆمه‌ڵایه‌تی‌‌و هونه‌ری‌‌و ته‌رفیهییه‌كان، گرفته‌كانی منداڵان‌و ئاسته‌كانی گه‌شه‌یان، لایه‌نه‌كانی ته‌ندروستی منداڵان، گرفت‌و كێشه‌ی دایه‌نگه، ...، هه‌ر زانیارییه‌كی تری هاوشێوه).
بە پێی فه‌رمانی 2539 له 1ی 11ی 2016ی به‌شی دایه‌نگه‌كان له به‌ڕێوه‌به‌رایه‌تی گشتی پێویسته ڕاپۆرته‌كه به‌مجۆره بێت:
( پێویسته دایه‌نگه‌كان پابه‌ندبن به ناردنی ڕاپۆرتی وه‌رزی خۆیانه‌وه بۆ به‌شی دایه‌نگه‌كان، به‌مجۆره: (1ی 9، 1ی 12، 1ی 3، 1ی 6 )ی هه‌موو ساڵێك، پێویسته ڕاپۆرته‌كه‌ش ته‌واوی زانیارییه‌كانی له‌باره‌ی (داتاكانی په‌یوه‌ست به منداڵ، لیستی ئاماده‌بوون‌و ئاماده نه‌بوونیان، چالاكییه په‌روه‌رده‌یی‌‌و كۆمه‌ڵایه‌تی‌‌و هونه‌ری‌‌و ته‌رفیهییه‌كان، گرفته‌كانی منداڵان‌و ئاسته‌كانی گه‌شه‌یان، لایه‌نه‌كانی ته‌ندروستی منداڵان، گرفت‌و كێشه‌ی دایه‌نگه، ...، هه‌ر زانیارییه‌كی تری هاوشێوه).
له‌گه‌ڵ ڕێزدا
ڕاگه‌یاندنی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی
4ی 3ی 2018
|