مەڕاسیمێکی ماتەمینی بۆ خاتوو (هۆنیا عومەر)ی کۆچکردوو بەڕێوەچوو.
ئێوارەی ئەمڕۆ دووشەممە،29ـی نیسانی2024، بەڕێوەبەرایەتی گشتی، لە باخچەی پارکی ئازادی مەڕاسیمێکی بۆ چالاکەوان و هاوڵاتی خاوەن پێداویستی تایبەت خاتوو هۆنیا عومەر بەڕێوەبرد.
لە مەڕاسیمەکە هەریەک لە بەڕێزان بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، ژمارەیەک لە چالاکەوان و ڕێکخراوەکانی بواری خاوەن پێداویستی تایبەت و کەس و کاری کۆچکردو ئامادەی بوونو تیایدا بەڕێز بەڕێوەبەری گشتی لە ووتەیەکدا وێڕای سەرخۆشی لە کەسوکاری کۆچکردوو ، دڵتەنگی خۆی و هاوڕێیانی لە بەڕێوەبەرایەتی گشتی بۆ لەدەستدانی خاتوو هۆنیا عومەر دەربڕی و هیوای خواست خوای گەورە کۆچکردوو لە بەهەشتەکەی خۆی بحەسێنێتەوە .
خاتوو هۆنیا عومەر سەرەڕای ئەوەی خۆی خاوەن پێداویستی تایبەت بوو بەڵام هاوکارێکی گەورەی هاوڕێکانیو هاوڵاتیانی خاوەن پێداویستی تایبەت بوو وە یارمەتیدەرێکی گەورە بوو بۆبەرەوپێشچوونی بەردەوامی چارەسەرکردنی کێشەکانی کەمئەندامان بوو.
بەڵام ڕۆژی هەینی، 26ـی نیسان ناوبراو بەنەخۆشی ماڵئاوایی کرد.
|