به‌ڕێوه‌به‌ری گشتی پێشوازی له ڕێكخراوی ستێپ ده‌كات
ڕۆژی سێشه‌ممه، 29ی 7ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان سۆرا سه‌عید، به‌رپرسی به‌شی پلان‌و مافناس هیوا ڕه‌حمان، سه‌رپه‌رشتیاری هۆبه‌ی به‌دواداچوون پێشوازیكرد له شاندێكی ڕێكخراوی ستێپ كه پێكهاتبوو له به‌ڕێزان خاتوو ڕه‌یچڵ نیوتن، به‌ڕێوه‌به‌ری گشتی ڕێكخراوو ڕه‌وا به‌هزاد، به‌ڕێوه‌به‌ری پڕۆگرام له ڕێكخراو.
له دیدارێكدا ڕێكخراوی ستێپ به تێرو ته‌سه‌لی بۆچوونی خۆیان له‌باره‌ی ئه‌ركه ته‌واوكراوو ته‌واو نه‌كراوه‌كانی پڕۆژه‌ی خێزانی جێگره‌وه خسته‌ڕوو، هه‌روه‌ك پێشنیاری دۆزینه‌وه‌ی چوارچێوه‌یه‌كی نوێیان بۆ شێوازی كاركردنی پڕۆژه‌كه و لایه‌نه په‌یوه‌ندیداره‌كان پێشنیاركرد، له‌و باره‌یه‌وه به‌ڕێز به‌ڕێوه‌به‌ری گشتی جه‌ختی كرده‌وه له‌سه‌ر ئه‌وه‌ی خێزانی جێگره‌وه وه‌ك نمونه‌ییترین شێوازو ڕێگای وه‌ڵامدانه‌وه‌و ڕزگاركردنی ئه‌و منداڵانه‌ی چوارچێوه خێزانییه‌كانیان له‌ده‌ست ده‌ده‌ن له‌لای وه‌زاره‌ت‌و به‌ڕێوه‌به‌رایه‌تی گشتی ستراتیجی كاری داهاتوو ده‌بێت‌و به‌و په‌ڕی تواناوه كارده‌كه‌ین بۆ به‌هێزكردن و به‌رده‌وامی ئه‌وه‌ی تا ئێستا پڕۆژه‌كه پێی گه‌یشتووه‌و ته‌واو كردنی ئه‌و ئاسته‌ی پێویسته له داهاتوودا پێی بگات.
پڕۆژه‌ی خێزانی جێگره‌وه، بۆ یه‌كه‌مجار له كوردستان‌و عێراقدا له شاری سلێمانی جێ به‌جێكراو له ئێسته‌دا پڕۆژه‌كه به‌كاراییانه كاره‌كانی ده‌كات‌و له‌لایه‌ن ڕێكخراوی یونسێفه‌وه پشتیگریی دارایی كراوه‌و له‌ڕووی هونه‌ری و ته‌كنیكیه‌وه ڕێكخراوی ستێپی به‌ریتانی كاری تێدا كردووه.
http://socialsuli.com/pagesDetail.aspx?pageid=4&fbclid=IwAR1QtqmYh8syr0214qjOGdJZYzbZ5IxaCInKhdzXZhNO1_mMHbhhcu6SHUM
|