• پێویسته‌ هه‌موومان پێكه‌وه‌ له‌ پێناو كۆمه‌ڵگه‌یه‌كی‌ خاڵی‌ له‌ توندوتیژیدا تێبكۆشین
  • (بەرەو کۆمەڵگەیەکى هوشیارو دوور لە توندوتیژى)، دروشمی‌ كارمانه‌ بۆ ساڵی‌ 2019
  • منداڵانی‌ نابینا، ده‌توانن له‌ په‌یمانگای‌ ڕووناكی‌ بۆ نابینایان بچنه‌ نێو پڕۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌.
  • منداڵانی‌ نابیست ده‌توانن له‌ په‌یمانگای‌ هیوا بچنه‌ پرۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • دابینكردنی‌ زه‌مینه‌یه‌كی‌ گونجاو بۆ خوێندن‌و بنیادنانی‌ ئاینده‌یه‌كی‌ گه‌ش بۆ مندالاَن ئه‌ركی‌ سه‌رشانی‌ ده‌وڵه‌ته‌.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • بێكه‌وه‌ كارده‌كه‌ین بۆ دابینكردنی‌ ئاینده‌كی‌ گه‌ ش بۆ مناڵان .
  • منداڵانی‌ كه‌مئه‌ندام پێویستیان به‌هاوكاری‌‌و ڕێزه‌... نه‌ك جیاوازیكردن‌و په‌راوێز خستنیان
 
راپۆرت
ڕاپۆرتی‌ ئامارو زانیاریی‌ كارو چالاكییه‌كانی‌ شه‌ش مانگی یه‌كه‌می ساڵی (2019)

لە کۆنگرەیەکی‌ ڕۆژنامەوانیدا کە ڕۆژی‌ دوو شەممە، ٢٢ی‌ ٧ی‌ ٢٠١٩ لە دیوانی‌ بەڕێوەبەرایەتی‌ گشتی‌ بەڕێوەچوو، بەڕێز م.عومەر گوڵپی‌، بەڕێوەبەری‌ گشتی‌ چاودێری‌ و گەشەپێدانی‌ کۆمەڵایەتی‌ لە پارێزگای‌ سلێمانی‌ بە ئامادەبوونی‌ بەڕێزان ئەڵوەن عەبدولغەفوور، یاریدەدەری‌ بەڕێوەبەری‌ گشتی‌ بۆ کاروباری‌ هونەری‌ و سۆران سەعید، بەرپرسی‌ بەشی‌ پلان و بەدواداچوون، ئامارو زانیاریی‌ شەش مانگی‌ یەکەمی‌ ساڵی‌ ٢٠١٩ی‌ بۆ دەزگاکانی‌ ڕاگەیاندن خستەڕوو و وەڵامی‌ پرسیاری‌ ڕۆژنامەنووسانی‌ دایەوە.

لە سەرەتای‌ وتەکانیدا، بەڕێز بەڕێوەبەری‌ گشتی‌ وێڕای‌ سوپاسی‌ ئامادەبوونی‌ کەناڵەکانی‌ ڕاگەیاند، پیرۆزبایی‌ دەستەکاربوونی‌ لە کابینەی‌ نوێی‌ حکومەت کرد، بەتاایبەت پیرۆزبایی‌ خۆی‌ و بەڕێوەبەرایەتی‌ گشتی‌ ئاراستەی‌ بەڕێز خاتوو کوێستان موحەممەد، وەزیری‌ کاروباری‌ کۆمەڵایەتی‌ کردو هیوای‌ سەرکەوتنی‌ بۆ خواستن.

پاشان م.عومەر گوڵپی‌، سوپاسی‌ هەماهەنگی‌ دەزگاو لایەن و فەرمانگە جۆراوجۆرەکان و ڕێکخراوە نێوخۆیی‌ و نێودەوڵەتییەکان کرد لەگەڵ بەڕێوەبەرایەتی‌ گشتی‌ کۆمەڵایەتی‌ سلێمانی‌ کەبووەتە هۆی‌ سەرکەوتنی‌ کاری‌ گەورەو گرنگ لە کایە جۆراوجۆرەکاندا بەتایبەت لە بواری‌ کاری‌ کۆمەڵایەتیدا، بەتایبەت سوپاسی‌ بەرێز کاک د.هەڤاڵ ئەبوبەکر، پارێزگاری‌ سلێمانی‌ کرد کە پاڵپشتی‌ ماڵەکانی‌ منداڵان و بەساڵاچووان و سەنتەری‌ ئۆتیزمی‌ کردووە بە دابینکردنی‌ ستافی‌ پێویست، هەروەها سوپاسی‌ بەڕێز کاک ئازاد حەمەئەمین، سەرۆک‌و سەرجەم ئەندامانی‌ ئەنجومەنی‌ پارێزگای‌ سلێمانی‌ کرد کە هاوکارو پشتیوانن، هەروەها سوپاسی‌ ئەو کەس و هاووڵاتی‌ و خێرخوازانەی‌ کرد کە هاوکاری‌ دامەزراوەی‌ کۆمەلایەتی‌ دەکەن بە تایبەت لە ڕێگەی‌ ئەژماری‌ کۆمەک و هاوکاری‌ خێرخوازان کرد، هەروەها دەستخۆشی‌ و سوپاسی‌ ئاراستەی‌ بەڕێوەبەرو کارمەندە دڵسۆزەکانی‌ دامەزراوەی‌ کۆمەڵایەتی‌ کرد، هەموو ئەوانەشی‌ بە دەستکەوت بۆ پارێزگای‌ سلێمانی‌ وەسفکرد بە خەڵک و حکومەتەوە.

ئەمەی‌ خوارەوە دەقەی‌ زانیارییەکانە کە لەو کۆنگرە ڕۆژنامەوانییەدا خرانەڕوو:

وه‌ك به‌شێك له‌ پابه‌ندی‌ به‌ شه‌فافییه‌ت‌و به‌رچاوڕوونی‌ هاووڵاتیان له‌ ڕێگه‌ی‌ ده‌زگاكانی‌ ڕاگه‌یاندنه‌وه‌، له‌ نۆ ته‌وه‌ری‌ جیاوازدا پوخته‌ی‌ كارو چالاكی‌‌و زانیارییه‌كانی‌ شه‌ش مانگی یه‌كه‌می ساڵی (2019) بۆ ڕایگشتی‌‌و هاووڵاتیان به‌مجۆره‌ی‌ خواره‌وه‌ ده‌خه‌ینه‌ڕوو:

یه‌كه‌م/ زانیارییه‌كان له‌بواری‌ پاراستنی‌ منداڵان‌و گه‌شه‌پێدان به‌ تواناكانیان:

1. زانیارییه‌كان له‌بواری‌ له‌ خۆگرتنی‌ منداڵان:

‌أ. ماڵی‌ ساوایان (خوار 4 ساڵ): ژماره‌ی‌ منداڵانی‌ سودمه‌ند له‌ ماڵی‌ ساوایان بۆ شه‌ش مانگی یه‌كه‌می ساڵی (2019) بریتییه‌ له‌ (28) منداڵ، ژماره‌ی‌ منداڵانی‌ ماڵ له‌ ئێسته‌دا بریتییه‌ له‌ ( 14 منداڵ/ 12 كوڕو 2 كچ)، ژماره‌ی‌ ئه‌و منداڵانه‌ی‌ گه‌ڕاونه‌ته‌وه‌ ناو خانه‌واده‌كانیان یان گه‌یه‌نراونه‌ته‌ خێزانی‌ جێگره‌وه‌ بریتییه‌ له‌ (14 منداڵ/ 4كوڕو 10كچ).
‌ب. ماڵی‌ كوڕان: ژماره‌ی‌ سودمه‌ندانی‌ ماڵی‌ كوڕان بریتیه‌ له‌(31) منداڵ، له‌ ئێسته‌دا له‌ ماڵی كوڕان (31) منداڵ ژیانی‌ ئاسایی‌ به‌ڕێده‌كه‌ن.
‌ج. ماڵی‌ كچان: ژماره‌ی‌ سودمه‌ندانی‌ ماڵی‌ كچان بریتییه‌ له‌ (8) منداڵ، له‌وانه‌ (4) منداڵیان گه‌ڕاونه‌ته‌وه‌ ناو خێزان‌و له‌ ئێسته‌دا (4) منداڵ له‌ ماڵه‌كه‌دان‌و ژیانی‌ ئاسایی‌ به‌ڕێده‌كه‌ن.
‌د. پڕۆژه‌ی‌ گه‌ڕاندنه‌وه‌ی‌ منداڵ بۆ ناوخێزان كه‌ له‌لایه‌ن ماڵه‌كانه‌وه‌ به‌ پێی‌ ڕێنمایی‌ جێ‌ به‌جێده‌كرێت: ژماره‌ی‌ منداڵانی‌ ده‌ره‌وه‌ی‌ خانه‌ (50 منداڵ/ 28 كوڕو 22 كچ).
‌ه. پرۆژه‌ی‌ خێزانی‌ جێگره‌وه‌: 
خێزانی‌ جێگره‌وه‌، بۆ یه‌كه‌مجاره‌ له‌ هه‌رێمی‌ كوردستان جێ‌ به‌جێده‌كرێت‌و شاری‌ سلێمانی‌ بۆ ئه‌زمونكردن هه‌ڵبژێردراوه‌و له‌ هه‌ردوو ساڵی‌ 2017 و 2018دا پڕۆژه‌كه‌ هه‌نگاوی‌ كرداری‌ خۆی‌ ناو توانی‌ خێزان ئاماده‌ بكات  و وه‌ بۆ ئه‌م ساڵیش پرۆژه‌كه‌ به‌رده‌وامی هه‌یه‌و  بۆ وه‌رگرتنی‌ منداڵ‌و منداڵیش بنێرێته‌ ناو خێزان به‌مجۆره‌:
* شه‌ش مانگی یه‌كه‌می ساڵی (2019)دا له‌ ڕێگه‌ی‌ پڕۆژه‌ی‌ خێزانی‌ جێگره‌وه‌: (2 منداڵ) نێردراونه‌ته‌ ناو خێزانه‌ جێگره‌وه‌كان‌و (4) خێزانیش په‌سه‌ندكراون، به‌مجۆره‌ ژماره‌ی‌ ئه‌و منداڵانه‌ی‌ له‌ ڕۆژی دامه‌زراندنیه‌وه‌  نێردراونه‌ته‌ ناو خێزانه‌كان (١١) منداڵن،‌و ژماره‌ی‌ خێزانه‌ جێگره‌وه‌كانیش  له‌ ئێستادا ده‌بێته‌ (١٨)له‌و ژماره‌یه‌ش (11) خێزان منداڵی وه‌ر گرتوه‌و (7) خێزان ئاماده‌ن منداڵیان پێبدرێت .
* له‌ ماوه‌ی‌ ئه‌م شه‌ش مانگه‌دا توێژه‌رانی‌ پڕۆژه‌كه‌ كاریان له‌سه‌ر ئاماده‌كردنی‌ (12) منداڵ كردووه‌.
* شه‌ش مانگی یه‌كه‌می ساڵی (2019) دا (36) خێزان ناوی‌ خۆیان تۆمار كردووه‌ بۆ وه‌رگرتنی‌ منداڵ.
* له‌ ماوه‌ی‌ شه‌ش مانگی یه‌كه‌می ساڵی (2019)دا، توێژه‌رانی‌ كۆمه‌ڵایه‌تی‌‌و ده‌روونی‌ خێزانی‌ جێگره‌وه‌، (90) سه‌ردانیان بۆ ناو خێزانه‌ جێگره‌وه‌كان و منداڵه‌كان ئه‌نجام داوه‌.

2. هێڵی‌  گه‌رمی‌ فریاكه‌وتنی‌ منداڵان(هێڵی‌ 116ی‌ منداڵان):
‌أ. له‌ شه‌ش مانگی یه‌كه‌می ساڵی (2019)ژماره‌ی‌ ئه‌و په‌یوه‌ندییه‌ ته‌له‌فوونیانه‌ی‌ له‌ماوه‌ی‌ (24) سه‌عاتدا كراون به‌ هێڵه‌كه‌وه‌ بریتین له‌ (18264) په‌یوه‌ندی‌، له‌وانه‌ (4925) یان له‌ كاتی‌ ده‌وامدا بووه‌ له‌ سه‌عات(8.30  بۆ .004)ی‌ پاشنیوه‌ڕۆ وه‌ڵامدراونه‌ته‌وه‌، 
‌ب. سه‌رجه‌می‌ كێشه‌كان كه‌ ڕووبه‌ڕووی‌ هێڵه‌كه‌ بوونه‌ته‌وه‌ بریتبوون له‌ (2617) كه‌ به‌مجۆره‌ بوون: (513 كێشه‌ی‌ منداڵانی‌ ئاواره‌، 266 كێشه‌ی‌ منداڵانی‌ خانه‌خوێ، 1000 بێده‌نگی‌،4 زانیاری‌ وه‌رگرتن، 513 په‌یوه‌ندی‌ هه‌ڵه‌ بوون،  87 كات به‌سه‌ربردن، 234 هی تر).
‌ج. له‌ كۆی‌ كێشه‌كانیش (266یان خانه‌خوێ بوون‌و 513 منداڵی‌ ئاواره‌ بوون)، جۆری‌ كێشه‌كان له‌ ماوه‌ی‌ شه‌ش مانگی یه‌كه‌می ساڵی (2019)دا كه‌ له‌لایه‌ن هێڵی‌ 116ه‌وه‌ وه‌ڵامدراونه‌ته‌وه‌ به‌مجۆره‌ دابه‌شبوون: ( 516كێشه‌ی‌ خێزانی‌، 87 په‌روه‌رده‌یی‌، 90 كێشه‌ی‌ ته‌ندروستی‌،  23 یاسایی‌، 6 كۆمه‌ڵگایی‌، 19توندوتیژی‌ خێزانی‌، 2 سۆزداری‌، 36 هی‌ تر). 

3. پڕۆژه‌ی‌ پاڵپشتی‌ ده‌روونی‌‌و كۆمه‌ڵایه‌تی‌ منداڵ‌و خێزان‌و كۆمه‌ڵگه‌: پڕۆژه‌یه‌كه‌ بۆ پاراستن و گه‌شه‌پێدانی‌ به‌ توانای‌ منداڵ، و به‌هاوكاری‌ ڕێكخراوی‌ (یونسێف) له‌ شاره‌كانی‌ سلێمانی‌‌و ڕانیه‌و چه‌مچه‌ماڵ‌و ده‌ربه‌ندیخان به‌ڕێوه‌ ده‌چێت:
‌أ. ژماره‌ی‌ ئه‌و منداڵانه‌ی‌ سودمه‌ندبوون له‌ سه‌نته‌ره‌كانی‌ پڕۆژه‌كه‌ له‌ شاره‌كانی‌ سلێمانی‌‌و چه‌مچه‌ماڵ‌و ده‌ربه‌ندیخان بریتییه‌ له‌ (10,445) منداڵ. (9014 منداڵی‌ ئاواره‌ی‌ عێراقی‌، 1431 منداڵی‌ په‌نابه‌ری‌ كوردانی‌ ڕۆژئاوایی‌)
‌ب. ژماره‌ی‌ ئه‌و منداڵانه‌ی‌ سودمه‌ندبوون به‌شێوه‌ی‌ تیمی‌ گه‌ڕۆك(مۆبایل تیم) بریتییه‌ له‌ (1037) منداڵ، له‌وانه‌ (600منداڵی‌ ئاواره‌ی‌ عێراقی‌، 437 منداڵی‌ په‌نابه‌ری‌ كوردانی‌ ڕۆژئاوا).
‌ج. خولی‌ هوشیاری‌ بۆ منداڵ (٤٣٥٧) سودمه‌ند، له‌وانه‌ ( ٣٧٠٩ منداڵانی‌ ئاواره‌ی‌ عێراقی‌، ٦٤٨ په‌نابه‌ری‌ كوردانی‌ ڕۆژئاوا، 
‌د. ژماره‌ی‌ ئه‌و منداڵانه‌ی‌ وه‌ك حاڵه‌ت (كێشه‌) وه‌رگیراون له‌ پڕۆژه‌كه‌دا‌و كاریان بۆ كراوه‌ بریتییه‌ له‌ (٣٥٠) منداڵ.
‌ه. خول‌و ڕاهێنان بۆ گروپه‌كانی‌ كۆمه‌ڵگا، (١٤٢) به‌شداربوو.
‌و. خول‌و ڕاهێنان بۆ ستاف (٣٧) به‌شداربوو.
‌ز. دانیشتن بۆ گروپه‌كانی‌ كۆمه‌ڵگاو ده‌وروبه‌ری‌ منداڵ، ( ٢٨٠) سودمه‌ند.
‌ح. خولی‌ هوشیاری‌ بۆ دایك‌و باوك‌و ده‌وروبه‌ری‌ منداڵَ، ( 3,338) سودمه‌ند.

4. ژماره‌ی‌ منداڵانی‌ سودمه‌ند له‌ سه‌نته‌ره‌كاندا: 
كۆی‌ گشتی‌ ژماره‌ی‌ ئه‌و منداڵانه‌ی‌ كه‌ له‌ سه‌نته‌ره‌كانی‌ پاراستن و چالاكی‌ منداڵاندا سودیان وه‌رگرتووه‌ بریتیه‌ له‌ (٩٥٨٥) منداڵ، (٧٧١٣) كوڕو (١٨٧٢) كچ، به‌ پێی‌ سه‌نته‌ره‌كانیش به‌مجۆره‌یه‌: (٦٧٧ منداڵ له‌ سه‌نته‌ری‌ پیره‌مه‌گرون، ٤٤٢ له‌ سه‌نته‌ری‌ ڕانیه‌، ٧٩٥٤ له‌ سه‌نته‌ری‌ ده‌ربه‌ندیخان ، ٥١٢ له‌ سه‌نته‌ری‌ چه‌مچه‌ماڵ).

دووه‌م/ له‌ بواری‌ ژنان‌و داڵده‌دانی‌ ژنانی‌ هه‌ڕه‌شه‌لێكراو:
ژماره‌ی‌ ئه‌و ژنانه‌ی‌ له‌ شه‌ش مانگی یه‌كه‌می ساڵی (2019)  داڵده‌دراون‌و سودمه‌ندبوون له‌ خزمه‌تگوزارییه‌ جۆراو جۆره‌كانی‌ ماڵی‌ داڵده‌دانی‌ ژنانی‌ هه‌ڕه‌شه‌لێكراوو پارێزراون بریتییه‌ له‌ ( ١١٠ژن)‌و (٣٠ منداڵ)، ژماره‌ی‌ ئه‌و ژنانه‌ی‌ كه‌ ماڵه‌كه‌یان به‌جێهێشتووه‌ بریتیه‌ له‌ (٨٣ ژن)، ژماره‌ی‌ ئه‌و ژنانه‌ی‌ كه‌ له‌ ئێسته‌دا له‌ ماڵه‌كه‌ داڵده‌دراون بریتییه‌ له‌ ( 27ژن‌و ٤ منداڵ).

سێیه‌م/ له‌ بواری‌ پاراستنی‌ به‌ساڵاچووان‌و له‌ خۆگرتنیان:

ژماره‌ی‌ ئه‌و به‌ساڵاچووانه‌ی‌ سودیان له‌ خانه‌ی‌ به‌ساڵاچووان وه‌رگرتووه‌ له‌ شه‌ش مانگی یه‌كه‌می ساڵی (2019) دا برتییه‌ له‌ (٦٥) به‌ساڵاچوو، له‌وانه‌ (١٧) به‌ساڵاچوو ماڵه‌كه‌یان به‌جێهێشتووه‌ (٤ كۆچی‌ دوایی‌ و ١٧ماڵی‌ خۆیان و خزمانیان)، له‌ ئێسته‌شدا (٤٨) به‌ساڵاچوو له‌ خانه‌كه‌دا ژیان به‌سه‌ر ده‌به‌ن ( ٣٤پیاوو  ١٤ ژن)، ژماره‌ی‌ به‌ساڵاچووه‌ په‌ككه‌وته‌كان كه‌ ئێسته‌ له‌ یه‌كه‌ی‌ په‌ككه‌وته‌ی‌ ماڵی‌ به‌ساڵاچووان به‌ به‌رده‌وامی‌ خزمه‌ت ده‌كرێن بریتییه‌ له‌ ( 19 به‌ساڵاچوو/ 10 پیاوو 9 ژن) به‌ساڵاچوو.

چواره‌م/ له‌بواری‌ ڕاهێنان‌و په‌روه‌رده‌ی‌ تایبه‌تدا:

ژماره‌ی‌ سودمه‌ندانی‌ سه‌نته‌رو په‌یمانگاكانی‌ بواری‌ په‌روه‌ده‌و ڕاهێنانی‌ تایبه‌ت بریتیه‌ له‌ (٢٥٨) منداڵ‌و گه‌نجی‌ خاوه‌ن پێداویستی‌ تایبه‌تن، كه‌ به‌مجۆره‌ دابه‌شبوون:

1. په‌یمانگای‌ ئاوات بۆ په‌روه‌رده‌ی‌ مێشك: ٤٥ منداڵ (٢٢ كوڕو ٢٣ كچ).
2. په‌یمانگای‌ هیوای‌ نابیستان: 93 خوێندكار (٥٠ كوڕو 4٣ كچ).
3. په‌یمانگای‌ ڕووناكی‌:19 خوێندكار (12 كوڕو 7 كچ).
4. په‌یمانگای‌ هانا: ٣٩ سودمه‌ند (٢٢ كوڕو ١٧ كچ).
5. سه‌نته‌ری‌ ئۆتیزم: ٦٢ منداڵ (٥٢ كوڕو ١٠كچ).

پێنجه‌م/ ژماره‌ی‌ خاوه‌ن پێداویستییه‌ تایبه‌ته‌كان‌و هاوكاری‌ كۆمه‌ڵایه‌تی‌:

1. ژماره‌ی‌ ئه‌و هاووڵاتیه‌ خاوه‌ن پێداویستییه‌ تایبه‌تانه‌ی‌ كه‌ له‌سنوری‌ به‌ڕێوه‌به‌رایه‌تی‌ گشتیمان تۆمارن بریتیە لە (٢٢٢١٠) کە ئەمە کۆتا لیستە پاش پرۆسەی‌ پیاچوونەوە کە بە پێی‌ یاساو ڕێنماییەکان شایستەن بە مووچەو هاوکاری‌ کۆمەڵایەتی‌، لەوانە (٥٦٩٦) کەس مووچەکانیان پاش تانە لێدان راگیراوەو بڕیاروایە لە مانگی‌ داهاتوو بۆیان خەرج بکرێتەوە.
2. ژماره‌ی‌ ئه‌و هاووڵاتیانه‌ی‌ كه‌ له‌ لیستی‌ مووچه‌ نه‌ماون بریتیه‌ له‌ (٤٢٢٦)، له‌و ژماره‌یه‌ (٣٤١٦)هاووڵاتی‌ خۆیان سه‌ردانی لیژنه‌یان نه‌كردووه‌و نه‌هاتوونه‌ته‌وه‌ بۆ پشكنین له‌ ماوه‌ی‌ سێ ساڵی‌ ڕابردوودا، ئه‌وانه‌شی‌ كه‌ به‌هۆی‌ كه‌می‌ ڕێژه‌ی‌ لیژنه‌ی‌ پزیشكییه‌ شایسته‌ نه‌بوون  به‌ پێی‌ ڕێنماییه‌كان بریتیه‌ له‌ (810) هاووڵاتی‌. 

3. مۆڵه‌تی‌ به‌خێوكار: ژماره‌ی‌ ئه‌و كه‌سانه‌ی‌ مۆڵه‌تیان وه‌رگرتووه‌ یان نوێكردووه‌ته‌وه‌ بۆ به‌خێوكردنی‌ خاوه‌ن پێداویستی‌ تایبه‌ت به‌ ڕێژه‌ی‌ شایسته‌ بریتییه‌ له‌ (220) مۆڵه‌ت، مۆڵه‌ته‌كانیش زۆرترینیان له‌ وه‌زاره‌تی‌ په‌روه‌رده‌ن به‌ (92) مۆڵه‌ت، كه‌مترینیان له‌ وه‌زاره‌ته‌كانی‌ گواستنه‌وه‌و گه‌یاندن‌و ناوخۆو ڕۆشنبیرین و بازرگانی و داد و شه‌هیدان و ئه‌نفال كراوان و ئه‌و قاف و كارو باری ئاینی و سامانه‌ سروشتیه‌كان كه‌ بۆ هه‌ر وه‌زاره‌تێك ته‌نها ( نزیكه‌ی‌ 1 بۆ 4) مۆڵه‌ته‌وه‌زاره‌تی خوی‌ندنی باڵا (12)  وه‌زاره‌تی كشتوكاڵ‌ (16) وه‌زاره‌تی ته‌ندروستی (25)  وه‌زاره‌تی ئاوه‌دانكردنه‌وه‌ (16)  و وه‌زاره‌تی دارای و ئابوری (11) وه‌زاره‌تی كارو كارو باری كۆمه‌ڵایه‌تی (12) وه‌زاره‌تی كاره‌با (11) وه‌زاره‌تی پیشه‌ سازی (5)  وه‌زاره‌تی شاره‌وانی (5) ، مۆڵه‌ته‌كانیش به‌ پێی‌ شاره‌كان به‌مجۆره‌ دابه‌شبوون ( 163 سلێمانی‌، شاره‌زوور 27، ئیداره‌ی‌ ڕاپه‌ڕین 7، چه‌مچه‌ماڵ 21، ده‌ربه‌ندیخان 2). به‌ پێی‌ كه‌سه‌ نزیكه‌كانیش بریتییه‌ له‌ (143) دایك‌و (22) باوك‌و (24)برا‌و (28) خوشك‌و 3 هی‌ تر.

4. تایبه‌تمه‌ندی‌ ئه‌ندازیاری‌: بۆ ئه‌كه‌مجار، له‌ ئاماده‌كردنی‌ به‌شی‌ ئه‌ندازیاریمان به‌ هاوكاری‌ سه‌ندیكای‌ ئه‌ندازیاران و نووسینگه‌یه‌كی‌ ئه‌ندازیاری‌، تایبه‌تمه‌ندییه‌ ئه‌ندازیارییه‌كانی‌ بیناو شوێنه‌ گشتییه‌كان بۆ خاوه‌ن پێداویستیه‌ تایبه‌ته‌كان ئاماده‌كراو به‌ نووسراوی‌ ژماره‌(3920) له‌ 3ی‌ 12ی‌ 2018 ئاراسته‌ی‌ پارێزگا كراوه‌ بۆ گشتاندن‌و كارپێكردنی‌، بۆ ئه‌و مه‌به‌سته‌ سه‌ردانی به‌ڕێوه‌به‌رایه‌تیه‌ گشتیه‌ پیوه‌ندیداره‌كانی وه‌ك (به‌ڕێوه‌به‌رایه‌تی گشتی وه‌به‌رهێنانی سلێمانی و شاره‌وانیه‌كان و ئه‌وقاف و كارو باری ئاینی و قائیمقامیه‌تی سلێمانی كراوه‌ بۆ جێبه‌جێكردنی تایبه‌ت مه‌ندیه‌كان له‌ بینا نوێیه‌كان و بینا كۆناكانی سنوری پارێزگای سلێمانی .
- ده‌ستپێكردنه‌وه‌و سه‌رپه‌رشتی كردنی بینای به‌ڕێوه‌به‌رایه‌تی چاودێروگه‌شه‌پێدانی كۆمه‌لاَیه‌تی ده‌ربه‌ندیخان.
- ئاماده‌كردنی ده‌رخسته‌ی به‌ڕێوه‌به‌رایه‌تی و به‌ش و هۆبه‌ كانی سه‌ر به‌به‌ڕێوه‌به‌رایه‌تی گشتیمان بۆ نۆژه‌نكردنه‌وه‌.
- ته‌واو كردنی پڕۆژه‌ی نۆژه‌نكردنه‌وه‌و زیادكردنی په‌یمانگای هیوای نابیستان كه‌ به‌ هاوكاری وه‌زاره‌تی پلاندانانی حكومه‌تی هه‌رێمی كوردستان  و یه‌كێتی ئه‌وروپا جێبه‌جێكراوه‌ .

شه‌شه‌م/ دایه‌نگه‌كان:

1. ژماره‌ی‌ دایه‌نگه‌و منداڵی‌ سودمه‌ند: سه‌رجه‌م ژماره‌ی‌ منداڵان له‌ دایه‌نگه‌كان بریتیه‌ له‌ (٢٧٣٧) منداڵ‌و  ژماره‌ی‌ دایه‌نگه‌كان بریتیه‌ له‌ (٧٨) دایه‌نگه‌،  كه‌ به‌مجۆره‌ دابه‌شبوون: ژماره‌ی‌ دایه‌نگه‌ حكومییه‌كان بریتییه‌ له‌ (١١) دایه‌نگه‌‌و (٤٣٠) منداڵیان له‌ خۆگرتووه‌، دایه‌نگه‌ ناحكومییه‌كان ژماره‌یان (٥١) دایه‌نگه‌یه‌ كه‌ (٢٢٠٢) منداڵیان له‌ خۆگرتووه‌و نزیكه‌ی‌ (٥٨٣) هه‌لی‌ كاریشیان ره‌خساندووه‌ بۆ ره‌گه‌زی‌ مێ‌، ژماره‌ی‌ دایه‌نگه‌ی‌ فه‌رمانگه‌كانیش بریتییه‌ له‌ (١٦) دایه‌نگه‌ كه‌ (١٠٥) منداڵیان له‌ خۆگرتووه‌.

2. ژماره‌ی‌ دایه‌نگه‌ی‌ نوێ‌‌و دایه‌نگه‌ی‌ داخراو و دایه‌نگه‌ی‌ سزادراو: له‌ شه‌ش مانگی یه‌كه‌می ساڵی (2019) دا  (١) دایه‌نگه‌ له‌سه‌ر داوای‌ خۆیان داخراون، ژماره‌ی‌ ئه‌و دایه‌نگایانه‌ش كه‌ به‌ (سزا) و به‌هۆی‌ سه‌رپێچی‌‌و پابه‌ند نه‌بوونیان به‌ یاساو ڕێنماییه‌كان داخراون بریتیه‌ له‌ (١) دایه‌نگه‌، له‌ به‌رانبه‌ردا  (١٠) دایه‌نگه‌ی‌ نوێ‌ كراونه‌ته‌وه‌‌و مۆڵه‌تی‌ كاركردنیان وه‌رگرتووه‌، به‌هۆی‌ پابه‌ند نه‌بوون‌و به‌ سیستم‌و یاساو ڕێنماییه‌كانه‌وه‌ (٢) دایه‌نگه‌ش سزای‌ (ئاگاداركردنه‌وه‌)یان ئاراسته‌ كراوه‌،وە ئه‌و ئه‌و دایانگه‌یانه‌یی پابه‌ند نه‌بونیان ئاراسته‌ كراوه‌ ژماره‌یان بریتیه‌ له‌ (24) ئه‌و دایه‌نگانه‌شی‌ سوپاسكراون بریتین له‌ (18) دایه‌نگه‌ بوون.
3. سه‌ردانی‌ لیژنه‌كانی‌ سه‌رپه‌رشتی‌‌و به‌دواداچوونی‌ دایه‌نگه‌كان: له‌ شه‌ش مانگی یه‌كه‌می ساڵی (2019) دا، له‌ ڕێگه‌ی‌ لیژنه‌ی‌ سه‌رپه‌رپشتی‌‌و به‌دواداچوونی‌ به‌شی‌ دایه‌نگه‌كانه‌وه‌، 168 سه‌ردان بووه‌، لیژنه‌ی‌ هاوبه‌شی‌ قائمقامیه‌تیش كه‌ نوێنه‌ری‌ به‌شی‌ دایه‌نگه‌كانی‌ تێدایه‌ 142سه‌ردانی دایه‌نگه‌یان كردووه‌ بۆ دڵنیابوونه‌وه‌ له‌وه‌ی‌ دایه‌نگه‌كان پابه‌ندی‌ یاساو ڕێنماییه‌كان‌و دایه‌نگه‌كانی‌ ژینگه‌یه‌كی‌ گونجاون بۆ گه‌شه‌ی‌ منداڵ. 

حه‌وته‌م/بینینی‌ هاووڵاتیان‌و وه‌ڵامدانه‌وه‌و چاره‌سه‌ری‌ كێشه‌كان و پرۆسه‌ كارگێڕییه‌كان:
1. به‌ درێژایی‌ شه‌ش مانگی یه‌كه‌می ساڵی (2019) ، ژماره‌ی‌ ئه‌و هاووڵاتیانه‌ی‌ سه‌ردانی‌ به‌ڕێوه‌به‌ری‌ گشتیان كردووه‌و گوێیان لێگیراوه‌و كاتیان بۆ ته‌رخان كراوه‌ بریتیه‌ له‌ (246) سه‌ردانی‌ هاووڵاتی‌.
2. ژماره‌ی‌ نوسراوه‌كان: نووسراوی‌ ڕۆشتوو (ده‌ركرده‌) بریتیه‌ له‌ (1721)، ژماره‌ی‌ نوسراوه‌كانی‌ هاتوو بریتیه‌ له‌ (2284).

هه‌شته‌م / سه‌ردانی توێژه‌رانی و به‌دواداچونی توێژه‌ران بۆ كه‌یسه‌كان:
توێژه‌رانی كۆمه‌ڵایه‌تی به‌رده‌وام سه‌ردانی و به‌دواداچوون بۆ كه‌یسه‌كان ده‌كه‌ن له‌ شه‌ش مانگی یه‌كه‌می ساڵی (2019) (167) سه‌ردانی ئه‌نجام دراوه‌  بۆ دڵنیابون له‌ باروو گوزارنی كه‌یسه‌كان و پێشكه‌ش كردنی خزمه‌تگوزاری به‌ پێی توانا بۆ منداڵ و خێزانی كه‌م ده‌ره‌تان و ئه‌و خێزانانه‌ی كه‌ خاوه‌ن پێداویستیه‌كی تایبه‌تی هه‌یه‌ و كه‌سێك وه‌ك خۆته‌رخانكه‌ر به‌ شێوه‌ی فه‌رمی دیاری كراوه‌ بۆیان .

نۆیه‌م/ خول‌و ڕاهێنان‌و ۆرك شۆپه‌كان: 
له‌ خول‌و ڕاهێنانه‌ جۆراوجۆره‌كانی‌ بواری‌ كۆمه‌ڵایه‌تی‌‌و ده‌روونی‌‌و ڕاهێنانه‌ جۆراوجۆره‌كان و ته‌رفیهی‌ و په‌روه‌رده‌ییه‌كاندا (7557) به‌شداربوو سودیان وه‌رگرتووه‌.

ده‌یه‌م/ بودجه‌و خه‌رجیی و داهات:

1. پێشینه‌ی‌ مانگانه‌ بۆ خه‌رجییه‌كانی‌ به‌كارخستن:

سه‌رجه‌م ئه‌و بڕه‌ پارانه‌ی‌ وه‌ك نه‌سریه‌ وه‌رگیراون له‌لایه‌ن فه‌رمانگه‌كانمانه‌وه‌ بریتییه‌ له‌ (٢٧٦٠١٣٣٥٠) كه‌ به‌مجۆره‌ دابه‌شبوە: بڕی‌ نه‌سریه‌ی‌ مانگانه‌ی‌ دیوانی‌ به‌ڕێوه‌به‌رایه‌تی‌ گشتی‌ له‌ شه‌ش مانگی یه‌كه‌می ساڵی (2019) دا بریتییه‌ له‌ (15,356,250) دینار، به‌ڕێوه‌به‌رایه‌تی‌ چاودێریی‌ كۆمه‌ڵایه‌تی‌ سلێمانی‌ بریتییه‌ له‌ (235,911,450)دینار، به‌ڕێوه‌به‌رێتی‌ چاودێریی‌ كه‌مئه‌ندامان (7,567,500) دینار، به‌ڕێوه‌به‌رایه‌تی‌ تۆری‌ پاراستنی‌ كۆمه‌ڵایه‌تی‌ سلێمانی‌ (1,645,000) دینار، به‌ڕێوه‌به‌رایه‌تی‌ چاودێری كۆمه‌ڵایه‌تی‌ ده‌ربه‌ندیخان (5,570,900) دینار، به‌ڕێوه‌به‌رایه‌تی‌ چاودێری كۆمه‌ڵایه‌تی‌ بتوێن/ ڕانیه‌ (7,483,750)، به‌ڕێوه‌به‌رایه‌تی‌ چاودێری كۆمه‌ڵایه‌تی‌ چه‌مچه‌ماڵ (2,478,500) دینار.

2. داهات: بڕی‌ ئه‌و پاره‌یه‌ی‌ كه‌ له‌ ماوه‌ی‌ شه‌ش مانگی یه‌كه‌می ساڵی (2019) دا له‌ سنوری‌ به‌ڕێوه‌به‌رایه‌تی‌ گشتیمان گه‌ڕاوه‌ته‌وه‌ بۆ خه‌زێنه‌ی‌ ده‌وڵه‌ت به‌ شێوه‌ی‌ داهات بریتییه‌ له‌ بڕی‌ (236,950,050دینار) دوسه‌د و سی و شه‌ش ملیون و نۆسه‌د و په‌نجا هه‌زارو په‌نجا دینار  كه‌ له‌ بواری‌ (داهاتی‌ دایه‌نگه‌ حكومییه‌كان‌و داهات‌و رسوماتی‌ كردنه‌وه‌ی‌ دایه‌نگه‌ی‌ ناحكومی‌‌و هێندێك داهاتی‌ جۆراو جۆری‌ تر).

3. داهاتی‌ خێرخوازی‌: به‌م دوو ڕێگه‌یه‌ی‌ خواره‌و خێرخوازان هاوكاری‌ ماڵه‌كانی‌ منداڵان و به‌ساڵاچووانیان كردووه‌:

ـ ڕێگه‌ی‌ ڕاسته‌وخۆكه‌ به‌ شێوه‌ی كه‌ل و په‌ل پێشكه‌ش كراوه‌و خه‌ملاَندنی بۆكراوه‌ به‌ دینار و دۆلار : (16583500– شازده‌ ملیون و پێنج سه‌د و هه‌شتاو سێ و پێنسه‌د دینار ) دینارو (11035$یازده‌ هه‌زارو سی و پێنج دۆلار).
ـ ڕێگه‌ حسابی‌ خێرخوازییه‌وه‌: ( 7058700– حه‌وت ملیون و په‌نجاو هه‌شت هه‌زارو حه‌وسه‌د دینار ) دینار و (6508$- شه‌ش هه‌زارو پێنج سه‌دو هه‌شت  دۆلار).


تێبینی‌: ئەم زانیاریانە لە کۆنگرەیەکی‌ ڕۆژنامەوانیدا، ڕۆژی‌ 22/7/2019 خرایە ڕوو.

بەڕێوەبەرایەتی‌ گەشەپێدانی‌ کۆمەڵایەتی‌ لە پارێزگای‌ سلێمانی‌
بەشی‌ پلان بە هاوکاری‌ ڕاگەیاندن
٢٢ی‌ ٧ی‌ ٢٠١٩


22/07/2019
بابەتی زیاتر...
   
© Copyright 2016 All Rights Reserved.