به‌ڕێوه‌به‌ری گشتی تاقیكردنه‌وه‌كانی كۆتایی وه‌رزی دووه‌م له په‌یمانگای هیوا به‌سه‌رده‌كاته‌وه
ڕۆژی یه‌كشه‌ممه، 29ی 4ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی هه‌ریه‌كه له به‌ڕێزان م. موحه‌ممه‌د سه‌ید قادر، سه‌رپه‌رشتیاری یه‌كه‌می په‌روه‌رده‌یی‌‌و خاتوو ئاشتی نوری، به‌ڕێوه‌به‌ری چاودێری كه‌مئه‌ندامانی سلێمانی سه‌ردانی په‌یمانگای هیوای نابیستانی كردو له نزیكه‌وه ڕه‌وشی تافیكردنه‌وه‌كانی كۆتایی وه‌رزی دووه‌می به‌سه‌ركرده‌وه.
له به سه‌ركردنه‌وه‌كه‌یدا به‌ڕێز به‌ڕێوه‌به‌ری گشتی ده‌ستخۆشی له به‌ڕێوه‌به‌رو ستافی مامۆستایان‌و كارمه‌ندانی په‌یمانگای هیوا كرد كه دڵسۆزانه ئه‌مساڵی خوێندنیان گه‌یانده كۆتایی، هه‌روه‌ها هیوای سه‌ركه‌وتنی بۆ قوتابیانی قۆناغه جیاجیاكانی په‌یمانگای هیوای نابیستان خواست.
په‌یمانگای هیوای نابیستان یه‌كێك له دامه‌زراوه په‌روه‌رده‌ییه‌كانی سه‌ر به به‌ڕێوه‌به‌رایه‌تی چاودێری كه‌مئه‌ندامانه له سنوری به‌ڕێوه‌به‌رایه‌تی گشتی‌‌و تیایدا هاوشێوه‌ی خوێندنگه بنه‌ڕه‌تییه‌كانی په‌روه‌رده پرۆسه‌ی په‌روه‌رده‌و فێركردنی تێدا به‌ڕێوه‌ده‌چێت.
|