بەهۆی ڕۆڵی بەرچاویان لە خزمەتکردن بەهاوڵاتیانی خاوەن پێداویستی تایبەت ، بەڕێوەبەرایەتی گشتی ڕێز لە بەڕێوەبەری کارگێڕی بوژاندنەوەی دڵ دەنێت.
ئەمڕۆ سێشەممە، 7ـی ئــایــاری 2024، بە ئامادەبوونی بەڕێزان ، بێستون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی ، نەهرۆ عەبدوڵڵا بەڕێوەبەری تۆڕی پاراستنی کۆمەڵایەتی سلێمانی ، مافناس هیوا ڕەحمان بەرپرسی بەشی یاسا ، بەختیار عەلی بەرپرسی ئەندازیاری ، بەنان وەهاب بەرپرسی دایەنگاکان ، لە دیوانی بەڕێوەبەرایەتی گشتی ڕێزلێنان پێشکەش بە بەڕێز د. سەرخێڵ ئاراز بەرپرسی کارگێڕی بوژاندنەوەی دڵ لە سلێمانی کرا.
بەڕێوەبەری گشتی سوپاسی هەوڵەکانی بەڕێز د.سەرخێڵی کرد کە لە ماوەی ڕابردودا بەدەر لەو خزمەتەی کە پێشکەش بەهاوڵاتیان دەیکەن زۆرترین هاوکاری بەهاوڵاتیانی خاوەن پێداویستی تایبەت لە نەخۆشخانەکە کراوەو سوپاسی خۆی ئاڕاستەی سەرجەم بەرپرسان و کارمەندانی نەخۆشخانەکە کردو هیوای بەردەوامی و سەرکەوتنی زیاتر لەئەرکەکانیان بۆ خواستن.
بەڕێوەبەری گشتی بەوەکالەت بە ئامادەبووانی ڕاگەیاند هەرکەس و لایەنێک لەهەر جێگەیەک دەستی هاوکاری بۆ خاوەن پێداویستیەکی تایبەت درێژ دەکات ئێمە سوپاسی دەکەین چونکە هاوڵاتیانی خاوەن پێداویستی تایبەت زیاتر پێویستیان بە ئاسانکاریە.
|