بەڕێوەبەری گشتی بەوەکالەت سەردانی ئیدارەی سەربەخۆی گەرمیان و قەزای دەربەندیخان دەکات و 600 سەبەتەی خۆراکی گەیاندە هاوڵاتیانی کەمدەرامەت.
لەدرێژەی هەڵمەتی دابینکردنی سەبەتەی خۆراک بۆ هاوڵاتیانی کەمدەرامەت و خاوەن پێداویستی تایبەت و لەسەر ڕاسپاردەی خاتوو کوێستان موحەمەد وەزیری کاروکاروباری کۆمەڵایەتی ، ئەمڕۆ پێنجشەممە ،28ـی ئـــــــاداری2024، بەڕێز بێستون جەبار بەڕێوەبەری گشتی چاوێری و گەشەپێدانی کۆمەڵایەتی لەپارێزگای سلێمانی بەوەکالەت سەردانی ئیدارەی سەربەخۆی گەرمیان و قەزای دەربەندیخانی کردو لەگەڵ بەرپرسانی سنورەکە کۆبویەوە.
سەرەتا لە شارۆچکەی دەربەندیخان بەهاوڕێیەتی م.عەبدولواحید ئەحمد بەڕێوەبەری چاودێری کۆمەڵایەتی دەربەندیخان سەردانی قائیمقایەتی قەزاکەیان کردو بەڕێز سلێمان موحەممەد قەئمقامی دەربەندیخان ، پێشوازی کران،
هاوکاری کردنی هەژاران و هاوڵاتیانی خاوەن پێداویستی تایبەت لە مانگی پیرۆزی ڕەمەزاندا لەسنورەکە گفتوگۆی لەبارەوە کرا و 250 سەبەتەی خۆراکی بۆ دابەشکردنی بەسەر هاوڵاتیاتی کەمدەرامەت پێگەیاندن.
پاشان لە ئیدارەی گەرمیان سەردانی بەڕیوەبەرایەتی گشتی چاودێری و گەشەپێدانی کۆمەڵایەتی ئیدارەکەی کردو لەلایەن بەڕێز ژیلوان عادل بەڕێوەبەری گشتی پێشوازی کران و لەڕێگەی بەڕێوەبەرایەتیەکەوە 350 سەبەتەی خۆراکی بەمەبەستی دابەش کردن بەسەر هاوڵاتیانی کەمدەرامەت پێگەیاندن.
|