به‌ پێی‌ ڕاپۆرتی‌ لیژنه‌كانی‌ سه‌رپه‌رشتی‌‌و به‌دواداچوونی‌ دایه‌نگه‌كان، به‌هۆی‌ بوونی‌ كه‌م‌و كورتی‌ له‌ دایه‌نگه‌كان و سه‌رپێچی‌ له‌ سیستم‌و ڕێنماییەکان، به‌ڕێوه‌به‌رایه‌تی‌ گشتی‌ چاودێرى و گەشەپێدانى کۆمەڵایەتى لە پارێزگاى سلێمانى، سزای‌ هه‌ردوو دایه‌نگه‌ی‌ (لاله‌)و (گوڵاڵه‌ سوره‌)ی‌ ناحكومی‌ ده‌دات.

به‌ پێی‌ نووسراوی‌ ژماره‌ (377) له‌ به‌رواری‌ 15ی‌ 1ی‌ 2019، و نووسراوی‌ ژماره‌ (690) له‌ به‌رواری‌ 4ی‌ 2ی‌ 2019، كه‌ له‌به‌شی‌ دایه‌نگه‌كان ده‌رچوون، به‌ڕێوه‌به‌رایه‌تی‌ گشتی‌ سزای‌ (ئاگاداركردنه‌وه‌) ئاراسته‌ی‌ هه‌ردوو دایه‌نگه‌ی‌ (گوڵاڵه‌ سووره‌)و (لاله‌)ی‌ ناحكومی‌ ده‌دات، ئه‌و سزایه‌ش پاڵپشته‌ به‌ بڕگه‌ی‌ (1) له‌ مادده‌ی‌ (14)ی‌ ڕێنمایی‌ دایه‌نگه‌كان و ڕاپۆرتی‌ لیژنه‌كانی‌ سه‌رپه‌رشتی‌‌و به‌دواداچوون كه‌ له‌ ڕۆژانی‌ 9ی‌ 1ی‌ 2019 و 4ی‌ 2ی‌ 2019 کە سەردانى دایەنگەکانیان کردووە.