بەڕێوەبەرایەتی گشتی ئامارو زانیاری ساڵی ٢٠٢١ دەخاتە ڕوو.
بەڕێوەبەری گشتی ئامارو داتاکان ئاماژەی بەرەوپێشچوونن لە کاری کۆمەڵایەتیدا"
بەرێوەبەرایەتی گشتی ئامارو زانیاریی کارو چالاکییەکانی ساڵی (٢٠٢١)ی دەخاتەڕوو.
ڕۆژی سێشەممە، ١١ی كانونی دووەمی/ ٢٠٢٢، بەڕێز نەهرۆ عەبدوڵڵا عەلی، بەڕێوەبەری گشتی چاودێری‌‌و گەشەپێدانی کۆمەڵایەتی لە پارێزگای سلێمانی بە وەكالەت، ، ئامارو زانیاریی کارو چالاکییەکانی ساڵی (٢٠٢١)ی ڕاگەیاند، کە تیایدا لە زۆر بواردا بەرەوپێشچوون لە خزمەتگوزارییەکانی چاودێری و گەشەپێدانی کۆمەڵایەتی بەدیهاتووە چ لە کوالێتی کار چ لە ڕووی ژمارەوە.
بەڕێز بەڕێوەبەری گشتی سوپاسی سەرجەم کارمەندان‌و بەرپرسانی سنوری کاری بەڕێوەبەرایەتی گشتی کرد کە لە ساڵی ڕابردوودا، بە ئاستێکی باشتر خزمەتیان کردووە، هەروەک سوپاسی زۆری ئاراستەی هەموو ئەو ڕێکخراوە نێودەوڵەتی‌‌و ناوخۆییانە کرد کە هاوکارو پشتیوانن لە چوارچێوەەی پڕۆژەو کارە هاوبەشەکاندا، هەروەها ئاماژەی بە هاوکاریی‌و پشتیوانیەکانی خێرخوازان کرد، هەروەها بەتایبەت سوپاسی خاتوو كوێستان محمد ، وەزیری كارو كاروباری كۆمەڵایەتی و بەڕێز د. هەڤاڵ کرد کە هاوکارو پاڵپشتە بۆ باشترکردنی خزمەت لە ماڵەکانی بەساڵاچووان‌و منداڵان‌و سەنتەری ئۆتیزم‌و پاڵپشتی بەڕێزیان بوونەتە هۆی دەستەبەرکردنی خزمەتگوزاری باشتر.
بەڕێز بەڕێوەبەری گشتی ئاماژەی بە پلانی بەڕێوەبەرایەتی گشتی دا کە لە ساڵی (٢٠٢٢)دا ، پلانی بەڕێوەبەرایەتی گشتی کارکردن بۆ بەرەوپێشبردنی ژینگەیەكی گونجاو بۆ ژیانی هاووڵاتیانی خاوەن پێداویستی تایبەت دەبێت.
جێی ئاماژەیە بەڕێوەبەرایەتی گشتی لە پێناو بەرچاوڕوونی هاووڵاتیان و دەزگاکانی ڕاگەیاندن، ساڵانەو شەش مانگ جارێک کۆی ئامارو زانیاریی کارو چالاکییەکان لە هەموو بوارەکاندا دەخاتەڕوو.
بۆ زانیاریی تەواو، لە خوارەوە دەقی ڕاپۆرتی ئامارو زانیاریی کارو چالاکییەکان بۆ ساڵی (٢٠٢١) دەخەینەڕوو:
حكومه‌تی هه‌رێمی كوردستان
وه‌زاره‌تی كارو كاروباری كۆمه‌ڵایه‌تی
به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی
ڕاپۆرتی ئامارو زانیاریی كارو چالاكییه‌كان بۆ ساڵی (٢٠٢١).
وه‌ك به‌شێك له پابه‌ندی به شه‌فافییه‌ت‌و به‌رچاوڕوونی هاووڵاتیان له ڕێگه‌ی سایتی گشتی بەڕێوەبەرایەتی گشتی چاودێری و گەشەپێدانی كۆمەڵایەتی لە پارێزگای سلێمانی ،(www.socialsuli.com) له یانزه ته‌وه‌ری جیاوازدا پوخته‌ی كارو چالاكی‌‌و زانیارییه‌كان بۆساڵی (٢٠٢٢) بۆ ڕای گشتی‌‌و هاووڵاتیان به‌مجۆره‌ی خواره‌وه ده‌خه‌ینه‌ڕوو: