پاش کۆبونەوەی لەگەڵ بەڕێوەبەرانی کۆمەڵایەتی پارێزگای سلێمانی ،وەزیری کارو کارو باری کۆمەڵایەتی،بەڕێوەبەرایەتی تۆڕی پاراستنی کۆمەڵایەتی سلێمانی بەسەردەکاتەوە.
ئەمڕۆ ،١شەممە، ١٤ی نۆڤەمبەری ٢٠٢١ ، بە سەرپەرشتی بەڕێز ،خاتوو کوێستان محەمەد، وەزیری کارو کاروباری کۆمەڵایەتی و ئامادەبونی بەڕێزان، نەهرۆ عەبدوڵا ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، دەرون عومەر ، بەڕێوەبەری گشتی کۆمەڵایەتی گەرمیان ، بەرزان کەریم ، بەڕێوەبەری چاودێری کۆمەڵایەتی چەمچەماڵ ، شەماڵ عەباس ، بەڕێوەبەری چاودێری کۆمەڵایەتی ڕانیە، عەبدول واحید ئەحمد، بەڕێوەبەری چاودێری کۆمەڵایەتی دەربەندیخان، صەلاح حەسەن، بەڕێوەبەری تۆڕی پاراستنی ئیدارەی گەرمیان، کۆبویەوە.
سەراتا ،خاتوو کوێستان ئامانجی کۆبونەوەکەی بۆ ئامادەبوان ڕون کردەوەو ، جەختی لەسەر پەلە کردن لە دروست کردنی ناسنامەی نوێی کەمئەندامان و ڕێکخستنەوەی هەموو داتاو زانیاریەکانی سنوری پارێزگای سلێمانی کردەوە ،وە لە کارو چالاکیەکانی سەرجەم بەڕێوەبەرایەتیەکان پرسیەوە.
پاشان بەڕێزیان، بۆ بەدواداچونی کارەکانیان، تۆڕی پاراستنی کۆمەڵایەتی سلێمانی بەسەر کردەوە و ده‌ستخۆشی کرد لە به‌ڕێوه‌به‌رو كارمه‌ندان و هێندێك ڕێنمایی پێویستی پێشكه‌شكردن‌و تیایدا جه‌ختی له پاراستنی سیستمی گشتی فه‌رمانگه‌و پاراستنی داتاو زانیارییه‌كان و گرنگیدان به دۆسیه‌ی خاوه‌ن پێداویستییه تایبه‌ته‌كان‌و ئاسانكاری بۆ هاووڵاتیان و بە تایبەت کەمئەندامان كرده‌وه.
|