بەڕێوەبەری گشتی چاودێری و گەشەپێدانی کۆمەڵایەتی سلێمانی، پەیامێکی پیرۆزبایی ئاراستەی توشبوانی تالاسیمیا دەکات.
ئەمڕۆ ٨ی٥ی٢٠٢١، لە ڕۆژی جیهانی تالاسیمیادا ،بەڕێز ، نەهرۆ عبدالله علی ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بە وەکالەت ، پەیامێکی پیرۆزبایی بڵاو کردەوە کە ئەمەی خوارەوە دەقەکەیەتی.
بەڕێزان، خوشک و برایانمان لە توشبوانی نەخۆشی تالاسیمیا ، بەبۆنەی ڕۆژی جیهانی تالاسیمیاوە ، وێرای پیرۆزبایمان بە ناوی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانیەوە , پێتان دەڵێین (لەگەڵتانین ، پشتیوانتانین ) بەڵێنی دڵسۆزیتان بۆ دوپات دەکەینەوە و ، دڵنیاتان دەكەینەوە، كە بەردەوام دەبین لە داكۆكیكردن لەمافەكانتان ، بە ئەركێكی ئەخلاقی و نیشتیمانی دەزانین، تا زیاتر مافەكانتان دەستەبەر بێت.
چونکە ئێوە شایستەی ژیان و خزمەتگوزاریی باشترن ،
وە سوپاسی هەموو دامەزراوە و ڕێكخراوو كەسایەتییەكی حكومیی و ناحكومیی دەکین ، بۆ هەر هەوڵ و هاوکاریەک کە لە پارێزگای سلێمانی بۆ توشبوانی تالاسیمیا ئەنجامی دەدەن”
وبە هیواین ئەم نەخۆشیە لە جیهان و کوردستان بەتایبەتی، بنبڕ بێت ، وە داوا کارم لە خوای میهرەبان شیفاتان بۆ بنێرێت. و هەموولایەك بەدوور بكات و هەموو لایەك لەش ساغ و تەندروست باش بن.
نەهرۆ عبدالله علی
٨ی٥ی٢٠٢١
|