• پێویسته‌ هه‌موومان پێكه‌وه‌ له‌ پێناو كۆمه‌ڵگه‌یه‌كی‌ خاڵی‌ له‌ توندوتیژیدا تێبكۆشین
  • (له‌ پێناو كۆمه‌ڵگه‌یه‌كی‌ به‌هێزتردا)، دروشمی‌ كاری‌ به‌ڕێوه‌به‌رایه‌تی‌ گشتیمانه‌ بۆ ساڵی‌ 2018
  • منداڵانی‌ نابینا، ده‌توانن له‌ په‌یمانگای‌ ڕووناكی‌ بۆ نابینایان بچنه‌ نێو پڕۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌.
  • منداڵانی‌ نابیست ده‌توانن له‌ په‌یمانگای‌ هیوا بچنه‌ پرۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • دابینكردنی‌ زه‌مینه‌یه‌كی‌ گونجاو بۆ خوێندن‌و بنیادنانی‌ ئاینده‌یه‌كی‌ گه‌ش بۆ مندالاَن ئه‌ركی‌ سه‌رشانی‌ ده‌وڵه‌ته‌.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • بێكه‌وه‌ كارده‌كه‌ین بۆ دابینكردنی‌ ئاینده‌كی‌ گه‌ ش بۆ مناڵان .
  • منداڵانی‌ كه‌مئه‌ندام پێویستیان به‌هاوكاری‌‌و ڕێزه‌... نه‌ك جیاوازیكردن‌و په‌راوێز خستنیان
 
خانەی بەسالاچوان
په‌ڕه‌ی‌ خانه‌ی‌ به‌ساڵاچووان له‌ سلێمانی‌


وێنه‌كه‌: به‌ڕێوه‌به‌ری‌ گشتی‌‌و ستاف‌و سودمه‌ندانی‌ خانه‌ی‌ به‌ساڵاچووانن، 2016 ـ هاوینه‌هه‌واری‌ سه‌رسیر .
 

خانه‌ی‌ به‌ساڵاچووان:
ئه‌م خانه‌یه‌ بۆ له‌خۆگرتنی‌ ئه‌و به‌ساڵاچووانه‌یه‌، كه‌ لای‌ بنه‌ماڵه‌و خێزانه‌كانیان جێناكرێنه‌وه‌و بۆ به‌سه‌ربردنی‌ ئه‌و به‌شه‌ی‌ ماویانه‌ له‌ژیان ڕوو ده‌كه‌نه‌ خانه‌كه‌,كه‌ خانه‌ هه‌ل‌و مه‌رجێكی‌ له‌باری‌ تێدا ڕه‌خساوه‌ بۆ ژیان كردن‌و خزمه‌تگوزاری‌ كۆمه‌ڵایه‌تی‌‌و ده‌روونی‌‌و ته‌ندروستیان پێشكه‌ش ده‌كرێت، كه‌ به‌پێی‌ یاسا خانمانی‌ سه‌روو (55) ساڵ‌و پیاوانی‌ سه‌روو (60) ساڵ ده‌چنه‌ چوارچێوه‌ی‌ ئه‌م خانه‌یه‌وه‌.
ئه‌و خانه‌یه‌ دووجۆر به‌ساڵاچوو له‌خۆده‌گرێت، ئه‌وانیش به‌ساڵاچوانی‌ ئاسایی‌‌و په‌ككه‌وته‌، به‌ساڵاچووانی‌ ئاسایی‌ ئه‌وانه‌ن كه‌ توانای‌ بیروهزریان باشه‌و ده‌توانن خۆیان خزمه‌تی‌ خۆیان بكه‌ن، به‌ساڵاچووانی‌ په‌ككه‌وته‌ به‌پێچه‌وانه‌وه‌ توانای‌ خۆخزمه‌تكردنیان نییه‌ یان كه‌مه‌‌و پێویستیان به‌خزمه‌ت‌و چاودێری‌ وورد هه‌یه‌ له‌خانه‌دا، بۆ ئه‌مه‌ش ستافێكی‌ ڕاهێنراو‌و شاره‌زا ڕۆژانه‌ به‌پێی‌ به‌رنامه‌یه‌كی‌ دیاریكراو كارده‌كه‌ن بۆ پێشكه‌شكردنی‌ باشترین خزمه‌تگوزاری‌ له‌سه‌رجه‌م ڕووه‌كانه‌وه‌ تا بتوانرێت به‌ساڵاچووه‌كه‌ خانه‌ به‌ماڵێكی‌ ئاسایی‌ ته‌ماشا بكات، ئه‌مه‌ش له‌ڕێگه‌ی‌ ئاماده‌كردنی‌ خۆراكی‌ گونجاو بۆ سه‌رجه‌م ژه‌مه‌كان‌و پێشكه‌شكردنی‌ ژه‌می‌ سووكی‌ میوه‌و چه‌ند خۆراكێكی‌ به‌سوود بۆ ته‌ندروستیان، سه‌ره‌ڕای‌ دابینكردنی‌ پۆشاكی‌ پێویست به‌پێی‌ وه‌رزه‌كان‌و هه‌بوونی‌ خه‌رجی‌ گیرفان بۆ ئه‌و شته‌ سه‌ره‌تایی‌و لاوه‌كیانه‌ی‌ به‌ساڵاچوو ئاره‌زووی‌ كڕینی‌ ده‌كات، جگه‌ له‌وه‌ی‌ ئازادی‌ ته‌واوی‌ هه‌یه‌ له‌سه‌ردانیكردنی‌ خزم‌و كه‌س‌و كاری‌ چوونی‌ بۆ ئه‌و جێگه‌و شوێنانه‌ی‌ ئاره‌زووی‌ ده‌كات. به‌ڵام به‌ئاگاداری‌ ئه‌و چاودێرانه‌ی‌ له‌كاتی‌ ده‌وامی‌ فه‌رمی‌‌و یان پاش ده‌وام له‌گه‌ڵیان ده‌مێننه‌وه‌.
هاوكات بایه‌خدان به‌ته‌ندروستی‌ به‌ساڵاچووان یه‌كێكی‌ تره‌ له‌و لایه‌نانه‌ی‌ خانه‌ گرنگی‌ پێده‌دات، ئه‌مه‌ش له‌ڕێگه‌ی‌ یه‌كه‌یه‌كی‌ ته‌ندروستی‌‌و كارمه‌ندانی‌ یه‌كه‌كه‌ بۆ پشكنین‌و چاودێری‌ ووردو ئاگاداربوون له‌هه‌رحاڵه‌ت‌و كێشه‌یه‌كی‌ ته‌ندروستی‌ به‌ساڵاچووه‌كان، ئه‌نجامدانی‌ چاره‌سه‌ری‌ سه‌ره‌تایی‌‌و له‌كاتی‌ قورسی‌ حاڵه‌ته‌كان یان نه‌خۆشیه‌كی‌ مه‌ترسیدارو كتوپڕدا ده‌گه‌یه‌نرێته‌ نه‌خۆشخانه‌ به‌مه‌به‌ستی‌ هه‌رچی‌ زوو چاره‌سه‌ركردن

زانیاریی‌ پێویست:
به‌ڕێوه‌به‌ر: به‌ناز ئه‌حمه‌د حه‌مه‌كه‌ریم - دیپلۆم له‌ په‌یمانگای‌ ته‌كنیكی‌.
ناونیشان: سلێمانی‌ - ڕێگای‌ سه‌ره‌كی‌ به‌كره‌جۆ - بینای‌ كۆمه‌ڵگه‌ی‌ چاودێریی‌ كۆمه‌ڵایه‌تی‌ سلێمانی‌ .
ژماره‌ ته‌له‌فون: 0533160442

پێكهاته‌ی‌ به‌شه‌كانی‌ خانه‌ی‌ به‌ساڵاچووان:
(ئیداره‌ ـ خۆیه‌تی ـ توێژه‌ر ـ ژووری گه‌نجینه‌ ـ هۆبه‌ی ته‌ندروستی‌... هتد) چه‌ندین ژووری تر كه‌ له‌ناویاندا بوونی‌ كتێبخانه‌یه‌كی بچوك كه‌ سوودمه‌ندان‌و كارمه‌ندان ڕۆژانه‌ ده‌توانن سوودی لێ وه‌ربگرن.

مه‌رجی‌ وه‌رگرتن له‌خانه‌ی‌ به‌ساڵاچوون:
1- به‌ساڵاچووی‌ ژن ده‌بێت (55) ساڵ‌ به‌ره‌وژووربێت‌و پیاو (60) ساڵ به‌ره‌و ژوور بێت.
2- به‌ساڵاچوو ده‌بێت توانای‌ خزمه‌تی خۆی هه‌بێت، واته‌ په‌ككه‌وته‌ی‌ سه‌رجێگا نه‌بێت.
3- نابێت هیچ نه‌خۆشییه‌كی‌ (ساری) یاخود (ئینتقالی‌) هه‌بێت، وه‌ك (سیل ـ نه‌خۆشی پێست ـ ... هتد) هه‌روه‌ها نه‌خۆشی (عه‌قڵی) نه‌بێت.

مه‌رجه‌كانی‌ دابڕان:
1- له‌كاتێكدا ئه‌گه‌ر به‌ساڵاچووه‌كه‌ كۆچی دوای‌ بكات.
2- ئه‌گه‌ر به‌ساڵاچووه‌كه‌ له‌گه‌ڵ یاساو ڕێنماییه‌كانی‌ خانه‌دا نه‌گونجێت‌و توێژه‌ر به‌پێی‌ ڕاپۆرتی تایبه‌تی خۆی داوای‌ ئه‌وه‌ بكات له‌خانه‌دا داببڕێت.
3- ئه‌گه‌ر به‌ساڵاچووه‌كه‌ له‌سه‌ر خواستی‌ خۆی‌و كه‌سوكاری بیه‌وێت بگه‌ڕێته‌وه‌ ناو خێزان؟
   
© Copyright 2016 All Rights Reserved.