بەڕێوەبەرایەتی گشتی لەگەڵ بەڕێوەبەرایەتی گشتی وەبەرهێنان باس لە تایبەتمەندی ئەندازیاری بۆ کەمئەندامان دەکات
ڕۆژی چوارشەممە، ١٣ی ٢ی ٢٠١٩، شاندێکی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی بە سەرۆکایەتی بەڕێز م.عومەر گوڵپی، بەڕێوەبەری گشتی و ئەندامیەتی هەریەکە لەبەڕێزان هیوا سەعید، بەرپرسی بەشی دایەنگەکان و بەختیار عەلی حەمەغەریب، بەرپرسی بەشی ئەندازیاری سەردانی بەڕێوەبەرایەتی گشتی وەبەرهێنانی سلێمانیان کردو لەلایەن بەرێزان ئەندازیار عەزیز عەلی، بەرێوەبەری گشتی و ژمارەیەک لە بەڕێوەبەرو بەرپرسی بەشەکان ئامادەی دیدارەکە بوون.
لەو سەردانەدا هەردوو بەڕێوەبەرایەتی گشتی باسیان لە کارە هاوبەشەکان و هەماهەنگی نێوان هەردوو بەرێوەبەرایەتی گشتی کرد سەبارەت بە پڕۆژە هاوبەشەکان، بەتایبەت یەکەکانی نیشتەجێبوون و خزمەتگوزاری دایەنگەو چارەسەرکردنی ئەو گرفتانەی دەبنە ڕێگر لەبەردەم وەرگرتنی کۆتایی و بەکارهێنانی بیناکانی تایبەت بە دایەنگە.
لە بەشێکی تری دیدارەکەدا بەڕێز بەڕێوەبەری گشتی داوای لە بەڕێوەبەرایەتی گشتی وەبەرهێنان کرد هاوکارو پاڵپشتیان بێت لە جێ بەجێکردنی ماددەی ١١ی یاسای ژمارە ٢٢ی ساڵی ٢٠١١ی تایبە بە ماف و ئیمتیازی هاووڵاتیانی خاوەن پێداویستی تایبەت کە لە ئێستەدا بەڕێوەبەرایەتی گشتی لە رێبەرێکدا بەناوی (ڕێبەری تایبەتمەندییە ئەندازیارییەکانی بیناو پرۆژەو شوێنە خزمەتگوزارییەکان بۆ هاووڵاتیانی خاوەن پێداویستی تایبەت) ئامادەی کردوون.
هەر لەو دیدارەدا بەرێز بەڕێوەبەری گشتی داوای کرد هەموو پڕۆژەکان پابەند بکرێن بە تایبەتمەندییە ئەندازیارییەکانەوە، بۆ ئەوەی شارو پارێزگاکەمان بە تەواوەتی ژینگەیەکی گونجاوو لەباربێت بۆ ژیانی هاووڵاتیانی خاوەن پێداویستی تایبەت.
لە بەرانبەردا بەرێز بەڕێوەبەری گشتی وەبەرهێنان خۆشحاڵی خۆیان بە دیدارەکە دەربڕی و جەخیتیان کردەوە بە تەواوی توانای خۆیانەوە لە بارەتی تایبەتمەندی پڕۆژەکانەوە بۆ کەمئەندامان هەوڵ دەدەن و رێوشوێنی پێویست بۆ جێ بەجێکردنیان دەدۆزنەوە، هەورەک پێشنیاری پێویستیشیان خستەبەردەم بەرێوەبەرایەتی گشتیمان بۆ پەرەپێدان بە پرۆژەکەو باشتر جێ بەجێکردنی.