پڕۆژەکە لە ساڵی ڕابردوودا سودی بە زیاتر لە ١٣ هەزار منداڵ گەیاندووە
ڕۆژی پێنجشه‌ممه، 31ی 1ی 2019، له كۆبوونه‌وه‌یه‌كی تایبه‌تدا له‌گه‌ڵ ژماره‌یه‌ك له سه‌رپه‌رشتیارو ستافی پڕۆژه‌ی پاڵپشتی و ده‌روونی بۆ منداڵ و خێزان، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێز سۆران سه‌عید، به‌رپرسی به‌شی پلان له‌گه‌ڵ ژماره‌یه‌ك له كارمه‌ندانی پڕۆژه‌ی پاڵپشتی ده‌روونی و كۆمه‌ڵایه‌تی بۆ منداڵ و خێزان كۆبوویه‌وه‌و ده‌ستخۆشی له ستاف و سه‌رپه‌رشتیارو توێژه‌رو مامۆستاو كارمه‌ندانی پڕۆژه‌كه كرد كه دڵسۆزانه كاره‌كانیان ڕاده‌په‌ڕێنن.
هه‌ر له‌و كۆبوونه‌وه‌یه‌دا، به‌ڕێز به‌ڕێوه‌به‌ری گشتی ڕێنمایی كارمه‌ندانی كرد كه به بایخه‌وه له‌كاره‌كه‌یان بڕوانن‌و سه‌رجه‌م پڕه‌نسیپه‌كانی پڕۆژه‌كه‌و بنه‌ماكانی كار كه خۆی له دڵسۆزی و جیاوازی نه‌كردن و پابه‌ندیدا ده‌بنێته‌وه جێ به‌جێبكه‌ن.
پڕۆژه‌ی پاڵپشتی ده‌روونی‌‌و كۆمه‌ڵایه‌تی بۆ منداڵ‌و خێزان و كۆمه‌ڵگه یه‌كێك له پڕۆژه سه ركه‌وتووه‌كانی به‌ڕیوه‌به‌راتی گشتی چاودێری‌‌و گه‌شه‌پێدانی كۆمه‌ڵایه‌تییه كه له‌لایه‌ن به‌شی پارێزگاری خێزانه‌وه له شاره‌كانی سلێمانی‌‌و چه‌مچه‌ماڵ‌و ڕانیه‌و ده‌ره‌به‌ندیخان جێ به‌جێده‌كرێت‌و خزمه‌ت به منداڵان ده‌كات، پڕۆژه‌كه له‌لایه‌ن ڕێكخراوی یونسێفه‌وه پاڵپشتی دارایی ده‌كرێت‌و بۆ ساڵی پێنجه‌مه درێژه به كاره‌كانی ده‌دات‌و خزمه‌تی ده‌روونی‌‌و كۆمه‌ڵایه‌تی‌‌و په‌روه‌رده‌یی پێشكه‌ش به منداڵانی ئاواره‌و ناوخۆ ده‌كات و دایكان و باوكان له ئه‌ركه‌كانیان وشیار ده‌كاته‌وه‌و ده‌یان پارێزێت له توندوتیژی و له كارو چالاكی په‌روه‌رده‌یی‌‌و ته‌رفیهیدا كۆیان ده‌كاته‌وه، پڕۆژه‌كه له ساڵی 2018دا ڕاسته‌وخۆ خزمه‌تی به زیاتر له 13 هه‌زار منداڵ كردووه.
|