كۆبوونه‌وه‌ی خستنه‌ڕووی هێڵه گشتیه‌كانی كاری ساڵی 2019 و چۆنیه‌تی ڕاپه‌ڕاندنی كاره خزمه‌تگوزارییه‌كان به‌ڕێوه‌چوو
ڕۆژی پێنجشه‌ممه، 24ی 1ی 2019، به سه‌رپه‌رشتی به‌ڕێز م.عومه‌ر گوڵپی، به‌ڕێوه‌به‌ری گشتی‌‌و ئاماده‌بوونی به‌ڕێزان گه‌شاو عومه‌ر، شاره‌زای دارایی‌‌و نوخشه ڕه‌سوڵ، به‌ڕێوه‌به‌ری كارگێڕی‌‌و مافناس ڕێبوار ڕه‌سوڵ، به‌رپرسی به‌شی یاساو سۆران سه‌عید به‌رپرسی به‌شی پلان‌و به‌ڕێزان نه‌هرۆ عه‌بدوڵڵا، به‌ڕێوه‌به‌ری تۆڕی پاراستنی كۆمه‌ڵایه‌تی سلێمانی‌‌و به‌رزان مه‌حمود، به‌ڕێوه‌به‌ری چاودێری كۆمه‌ڵایه‌تی ده‌ربه‌ندیخان و به‌رزان كه‌ریم، به‌ڕێوه‌به‌ری چاودێری كۆمه‌ڵایه‌تی چه‌مچه‌ماڵ‌و هیمداد ڕه‌فیق، به‌ڕێوه‌به‌ری چاودێری كۆمه‌ڵایه‌تی ڕانیه‌و كه‌ماڵ جه‌بار، به‌رپرسی به‌شی وردبینی و میران قادر، به‌رپرسی به‌شی ژمێریاری به وه‌كاله‌ت‌و به‌رپرسانی هۆبه‌كانی به‌دواداچوون و خزمه‌تگوزاری له دیوانی به‌ڕێوه‌به‌رایه‌تی گشتی هۆبه‌كانی كارگێڕی‌‌و ژمێریاری و وردبینی و خزمه‌تگوزاری له به‌ڕێوه‌به‌رایه‌تییه‌كانی (چاودێری كه‌مئه‌ندامان و تۆڕی پاراستن و چاودێری كۆمه‌ڵایه‌ت سلێمانی و چه‌مچه‌ماڵ و ڕانیه‌و ده‌ربه‌ندیخان) كۆبوونه‌وه‌یه‌كی فراوان به‌ڕێوه‌چوو.
به‌رنامه‌ی كۆبوونه‌وه‌كه پێكهاتبوو له:
1ـ ڕوونكردنه‌وه‌ی ڕێنمایی دارایی ژماره (3) له (14ی 1ی 2019)، تایبه‌ت به پێشینه‌ی مانگانه.
2ـ خه‌رجییه‌كانی ساڵی 2019و دابینكردنی پێداویستیی فه‌رمانگه‌و دامه‌زراوه‌كان.
3ـ ده‌وام‌و پابه‌ندییه‌كانی ده‌وام.
4ـ پاك‌و خاوێنی ژینگه‌ی فه‌رمانگه‌كان.
5ـ باشتركردنی ئاستی پێشوازی له هاووڵاتیانی سه‌ردانیكار (موراجیع).
له سه‌ره‌تای كۆبوونه‌وه‌كه‌دا به‌ڕێز به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا سوپاس‌و پێزانینی خۆی ئاراسته‌ی به‌رپرس و به‌ڕێوه‌به‌رو كارمه‌ندانی سنوری كاری به‌ڕێوه‌به‌رایه‌تی گشتی كرد كه ساڵی ڕابردوو سه‌ركه‌تووانه كاره‌كیان ڕاپه‌ڕاند‌و باشترین ئاستیان پێشاندا به به‌راورد به ساڵانی پێشووتر.
هه‌ر له وته‌كه‌یدا به‌ڕێز به‌ڕێوه‌به‌ری گشتی، له ڕوانگه‌ی به‌رنامه‌كه‌ی كۆبوونه‌وه‌كه‌وه هێڵه گشتیه‌كانی ستراتیجی كاری ساڵی 2019ی بۆ ئاماده‌بووان خسته‌ڕوو، به‌تایبه‌ت جه‌ختی كردی‌ه‌وه له‌سه‌ر به‌رده‌وام بوون له‌سه‌ر پێشكه‌شكردنی خزمه‌تگوزارییه‌كان و مامه‌ڵه‌كردن له‌گه‌ڵ هاووڵاتیان و سه‌ردانیكاران (موراجیع) به‌بێ ڕه‌چاو كردنی حزب و ئایدۆلۆجاو نه‌ته‌وه‌و ڕه‌گه‌ز، ئه‌وه‌ش له پێناو جێ به‌جێكردنی یاساو ڕێنماییه‌كان و هێنانه‌دی دادگه‌ری و به‌رزكردنه‌وه‌ی ئاستی خزمه‌تگوزارییه‌كان.
پاشان به پێی په‌یوه‌ندی ته‌وه‌رو بابه‌ته‌كان، هه‌ریه‌كه له ئاماده‌بووان به‌شداریان له گفتوگۆی ناوه‌ڕۆكی كۆبوونه‌وه‌كه كرد كه له سه‌ره‌تای هه‌فته‌ی داهاتوودا ده‌رئه‌نجام‌و ڕاسپارده‌ی كۆبوونه‌وه‌كه ئاراسته‌ی ئاماده‌بووان ده‌كرێت بۆ ڕه‌چاوكردنی ناوه‌ڕۆكه‌كه‌ی و جێ به‌جێكردنی بڕیارو ده‌رئه‌نجامه‌كانی.