به‌ڕێوه‌به‌ری گشتی به‌شداری مه‌راسیمی پرسه‌ی قوربانیانى ڕووداوه‌كه‌ی چه‌مچه‌ماڵ ده‌كات
ِِڕۆژی چوارشه‌ممه، 21ی 11ی 2018، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی هاوشانی به‌ڕێزان كاك ڕه‌مك ڕه‌مه‌زان، قائیمقامی قه‌زاكه‌و به‌ڕێوه‌به‌ری فه‌رمانگه‌كانی سنوری قه‌زای چه‌مچه‌ماڵ و هاووڵاتیانی دانیشتووی شاره‌كه به‌شداری مه‌راسیمی پرسه‌و ماته‌مینی ڕووداوی ئاگركه‌وتنه‌وه‌كه‌ی ڕۆژی 20ی 11ی 2018 كرد كه تیایدا خێزانێكی 7 كه‌سی بوونه قوربانی و گیانیان له‌ده‌ستدا.
ڕۆژی 20ی 11ی 2018، به‌هۆی كه‌وتنه‌وه‌ی ئاگره‌وه له ماڵه‌كه‌یاندا، خێزانێكی 7 كه‌سی كه سه‌ر به نه‌ته‌وه‌ی عه‌ره‌بن و ماوه‌ی زیاتر له 12 ساڵ بوو له شاری چه‌مچه‌ماڵ ده‌ژیان بوونه قوربانی به هۆی كاریگه‌ریی دووكه‌ڵی ئاگره‌كه‌وه گیانیان له‌ده‌ستدا، خێزانه‌كه پێكهاتبوون له دایك و باوك و دایكی ژنه‌كه‌و سێ كچ و كوڕێك، بچوكترین منداڵی خێزانه‌كه ته‌مه‌نی یه‌ك ساڵان بوو.
|