به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئاگاداری كارمه‌ندانی سنوری به‌ڕێوه‌به‌رایه‌تی گشتیمان ده‌كات، ئه‌وانه‌ی ئاره‌زوومه‌ندن به وه‌رگرتنی هەردوو پۆستی (به‌رپرسی به‌شی پارێزگاری خێزان) له دیوانی به‌ڕێوه‌به‌رایه‌تی گشتیمان و به‌رپرسی ماڵی (نه‌وجه‌وانانی كوڕان) له به‌ڕێوبه‌ه‌رایه‌تی چاودێری كۆمه‌ڵایه‌تی سلێمانی، زانیارییه كه‌سی‌‌و تواناییه‌كانیان به(C.V) ئاراسته‌ی (به‌ڕێوه‌به‌رێتی كارگێڕی) بكه‌ن له دیوانی به‌ڕێوه‌به‌رایه‌تی گشتیمان به مه‌به‌ستی به‌شداریكردن له كێبڕكێی پڕكردنه‌وه‌یان:
مه‌رجه‌كان:
1ـ داواكار پێویسته هه‌ڵگری بڕوانامه‌ی به‌كالۆریۆس بێت له (كۆمه‌ڵناسی، یان ده‌روونناسی).
2ـ به‌لای كه‌مه‌وه خاوه‌نی (10) ساڵ خزمه‌ت بێت.
3ـ پێویسته شاره‌زایی هه‌بێت له بواری خزمه‌تكردنی منداڵاندا بۆ به‌رپرسی ماڵی كوڕان و شاره‌زایی هه‌بێت له كاری كۆمه‌ڵایه‌تی بۆ به‌رپرسی به‌شی پارێزگاری خێزان.
4ـ زانینی زمان و تواناییه‌كانی به‌ڕێوه‌بردن و شاره‌زایی كۆمپیوته‌رو ڕاهێنانی تایبه‌ت به بواره‌كه‌ی یارمه‌تی سه‌ركه‌وتنی داواكار ده‌دات.
5ـ پێشكه‌شكردن له (29ی 8ی 2018)ه‌وه به‌رده‌وام ده‌بێت تا (6ی 9ی 2018).
ڕاگه‌یاندنی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی
29ی 8ی 2018