به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، ئاگاداری كارمه‌ندانی سنوری به‌ڕێوه‌به‌رایه‌تی گشتیمان ده‌كات، ئه‌وانه‌ی ئاره‌زوومه‌ندن به وه‌رگرتنی پۆستی (به‌ڕێوه‌به‌ری كارگێڕی) له دیوانی به‌ڕێوه‌به‌رایه‌تی گشتیمان، زانیارییه كه‌سی‌‌و تواناییه‌كانیان به(C.V) ئاراسته‌ی (به‌ڕێوه‌به‌رێتی كارگێڕی) بكه‌ن له دیوانی به‌ڕێوه‌به‌رایه‌تی گشتیمان به مه‌به‌ستی به‌شداریكردن له كێبڕكێی پڕكردنه‌وه‌ی ئه‌و پۆسته، به ڕه‌چاوكردنی ئه‌م مه‌رج‌و تایبه‌تمه‌ندیانه‌ی خواره‌وه:
مه‌رج‌و تایبه‌تمه‌ندییه‌كان:
1ـ بۆ هه‌ڵگرانی بڕوانامه‌ی (دیبلۆم) له (كارگێڕی) پێویسته خزمه‌تیان له (18) ساڵ كه‌متر نه‌بێت.
2ـ بۆ هه‌ڵگرانی بڕوانامه‌ی (به‌كالۆریۆس) له (كارگێڕی) پێویسته ساڵانی خزمه‌تیان كه‌متر نه‌بێت له (10) ساڵ.
3ـ بۆ هه‌ڵگرانی بڕوانامه‌ی ماسته‌ر له (كارگێڕی)، پێویسته ساڵانی خزمه‌تیان كه‌متر نه‌بێت له (8) ساڵ.
4ـ هه‌ڵگرانی بڕوانامه‌ی به‌كالۆریۆس له (یاسا) مافی پێشكه‌شكردنی داواكارییان هه‌یه و پێویسته خزمه‌تیان كه‌متر نه‌بێت له (15) ساڵ.
5ـ پێویسته دانیشتووی شاری سلێمانی بێت، یان پاش وه‌رگرتنی ئه‌و پۆسته ئاماده‌بێت ماڵی بهێنێته سلێمانی.
6ـ باشتره بێجگه له زمانی كوردی، زمانێكی تر بزانێت.
7ـ شاره‌زایی له بواری به‌ڕێوه‌بردن، توانایی له به‌كارهێنانی كۆمپیوته‌ر‌و ته‌كنه‌لۆجیا بۆ پێشكه‌شكار گرنگن.
8ـ ماوه‌ی پێشكه‌شكردنی داواكاری له (6ی 5ی 2018) ده‌ستپێده‌كات بۆ (16ی 5ی 2018).
ڕاگه‌یاندنی به‌ڕێوه‌به‌رایه‌تی گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی
6ی 5ی 2018