وەزیری کارو کاروباری کۆمەڵایەتی پەیوەندی بە هێڵی (١١٦)ی منداڵانى سلێمانیەوە دەکات‌و دەستخۆشیان لێ دەکات
ڕۆژی پێنجشەممە، ٢٦ی ٣ی ٢٠٢٠، بەڕێز م.کوێستان موحەممەد، وەزیری کارو کاروباری کۆمەڵایەتی لە ڕێگەی ژمارە (١١٦)ەوە پەیوەندی بە هێڵی فریاکەوتنی منداڵان (هێڵی ١١٦)ەوە دەکات‌و دەستخۆشیی لە کارەکانیان دەکات.
پەیوەندییە تەلەفونیەکەی بەڕێز وەزیری کارو کاروباری کۆمەڵایەتی بەشێکە لەو سەردان و بەدواداچوونانەی کە بەردەوام بۆ دامەزراوە جیاجیاکانی وەزارەتی دەکات، و لە پەیوەندییەکەیدا دەستخۆشی لە بەرپرسی هێڵی (١١٦)و کارمەندانی کرد، هەروەها دەستخۆشی لە بەڕێوەبەری چاودێری کۆمەڵایەتی سلێمانی‌‌و بەڕێوەبەری گشتی چاودێری‌‌و گەشەپێدانی کۆمەڵایەتی سلێمانی کرد کە بەرنامەی کارکردنی هێڵەکەیان بەجۆرێک گۆڕیوە کە لەکاتی ڕێنماییەکانی خۆپارێزی نەخۆشی کۆرۆنادا، باشتر خزمەت بە منداڵان و خێزانەکانیان بکات و بە درێژایی ڕۆژو لە هەفتەیەکدا حەوت ڕۆژ وەڵامی پەیوندییەکان بدەنەوە.
هێڵی گەرمی فریاکەوتنی منداڵان یەکێک لە خزمەتگوزارییەکانی وەزارەتی کارو کاروباری کۆمەڵایەتیەو لە ئێستەدا لە سنوری پارێزگای سلێمانی هەموو ڕۆژانەی هەفتەو بەدرێژایی ڕۆژ وەڵامی پەیوەندی منداڵان‌و خێزانەکانیان دەداتەوەو هاوکارییان دەبێت لە چارەسەرکردنی کێشەکانیان و فریاکەوتنی دۆخی نەخوازراوی منداڵان.
|