به‌ڕێوه‌به‌رایه‌تی گشتی خشته‌ی خواردنی دایه‌نگه‌كان داده‌ڕێژێته‌وه
![]()
"ڕه‌وچاوی بڕی پێویستی خواردن بۆ ژیانێكی ته‌ندروست ده‌كرێت"
به‌ڕێوه‌به‌رایه‌تی گشتی خشته‌ی خواردنی دایه‌نگه‌كان داده‌ڕێژێته‌وه
ڕۆژی پێنجشه‌ممه، 20ی 2ی 2020، به سه‌رپه‌رشتی به‌ڕێز ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی بۆ كاروباری هونه‌ری‌‌و ئاماده‌بوونی به‌ڕێزان حه‌لیمه فه‌تاح، به‌رپرسی به‌شی دایه‌نگه‌كان‌و شه‌وبۆ موحه‌مه‌د ئه‌مین، شاره‌زای كۆمه‌ڵایه‌تی‌‌و دكتۆره بینایی، پسپۆڕی خواردن‌و نوێنه‌ری به‌ڕێوه‌به‌رایه‌تی گشتی ته‌ندروستی سلێمانی‌‌و ژماره‌یه‌ك له به‌ڕێوه‌به‌رانی دایه‌نگه حكومی‌‌و ناحكومییه‌كان، كۆبوونه‌وه‌یه‌كی تایبه‌ت به پیاچوونه‌وه به خشته‌ی خواردنی دایه‌نگه‌كان به‌ڕێوه‌چوو.
له‌و كۆبوونه‌وه‌یه‌دا ئاماده‌بووان گفتوگۆی لایه‌نه باشه‌كانی خشته‌ی ئێسته‌ی خواردنیان كردو لە ته‌ندروستی، بڕی پێویستی خواردن بۆ منداڵ، لایه‌نی كرداری جێ به‌جێكردنی خشته‌ی خواردنه‌كه له دایه‌نگه‌كانیان کۆڵیەوە، هەروەها لەسەر هەر کەم و کورتییەک کە هەبێت لە ڕووی جۆرو بڕەوە هەڵوێستەیان کرد.
له كۆبوونه‌وه‌كه‌دا ئه‌وه‌ی پێویست بوو بۆ خشته‌یه‌كی خواردنی پێویست‌و ته‌ندروست بۆ گه‌شه‌ی منداڵ بڕیاری له‌باره‌وه درا و بڕیاروایە لە ئایندەیەکی نزیکدا گشتاندنی پێ بکریت.
لە کۆبوونەوەکەدا ژمارەیەک بەڕێوەبەری دایەنگە بەشداربوون بۆ وەرگرتنی بۆچوونیان و سودوەرگرتن لە ئەزموونیان لە دایەنگەکاندا.
|