به‌شی پارێزگاری خێزان كۆتایی به ڕاهێنانێكی دوو ڕۆژه بۆ ستافه‌كانی سه‌نته‌ری ئۆتیزم هێنا
ڕۆژی دووشه‌ممه، 27ی 1ی 2020، به ئاماده‌بوونی به‌ڕێز به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی سلێمانی‌‌و هه‌ریه‌كه له به‌ڕێزان ئاره‌زوو غه‌فوور‌و هیوا سه‌عید، سه‌رپه‌رشتیارانی په‌روه‌رده‌یی‌‌و دڵسۆز نامیق، به‌رپرسی سه‌نته‌ری ئۆتیزم، به‌شی پارێزگاری خێزان كۆتایی به ڕاهێنانێكی دوو ڕۆژه هێان كه به ناونیشانی ( چۆنیه‌تی گۆڕینی ڕه‌فتاری تووشبوانی ئۆتیزم) كه له ڕۆژانی 26و 27ی 1ی 2020، به هاوكاری به‌ڕێزان په‌روه‌رده‌ی ڕۆژئاواو د.ئه‌فرام موحه‌ممه‌دو به سه‌رپه‌رشتی به‌ڕێز م.میدیا حسێن، سه‌رپه‌رشتیاری په‌روه‌رده‌یی به‌ڕێوه‌چوو.
له كۆتایی ڕاهێنانه‌كه‌دا به‌ڕێز به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا ده‌ستخۆشی له هه‌ریه‌كه له به‌ڕێزان (م.هۆزان) ڕاهێنه‌رو (م.میدیا حسێن) سه‌رپه‌رشتیارو (د.ئه‌فرام موحه‌ممه‌د) و (دڵسۆز نامیق) به‌رپرسی سه‌نته‌ری ئۆتیزم‌و سه‌رپه‌رشتیارانی په‌روه‌رده‌یی و به‌رپرسی به‌شی پارێزگاری خێزان له دیوانی به‌ڕێوه‌به‌رایه‌تی گشتی كرد كه ئه‌ركیان كێشا له سه‌رخستنی ڕاهێنانه‌كه، هه‌روه‌ك ده‌ستخۆشی له ستافه‌كانی ئۆتیزم كرد كه دڵسۆزانه به‌شداری ڕاهێنانه‌كه ده‌كه‌ن‌و تونای خۆیان به‌ره‌و باشتر ده‌به‌ن له پێناو به‌رژه‌وه‌ندی منداڵانی ئۆتیزم‌و باشتركردنی ئاستی ڕاهێنان له سه‌نته‌ره‌كه، هه‌روه‌ك جه‌ختی له ستراتیجی كاری به‌ڕێوه‌به‌رایه‌تی گشتی كرده‌وه له گرنگیپێدان به ڕاهێنان‌و به‌رزكردنه‌وه‌ی توانای ستافه‌كان‌و خزمه‌تكردنی زیاتری منداڵانی ئۆتیزم‌و خانه‌واده‌كانیان، هه‌روه‌ك به‌رنامه‌ی به‌ڕێوه‌به‌رایه‌تی گشتی‌‌و به‌ڕێوه‌به‌رێتی چاودێری كه‌مئه‌ندامانی بۆ ساڵی 2020و به‌ڕێوه‌بردنی ڕاهێنانی زیاتر كرد بۆ خێزانی منداڵانی ئۆتیزم تا باشتر بتوانن هاوكاری منداڵه‌كانیان بن.
جێی ئاماژه سه‌نته‌ری ئۆتیزم له سلێمانی به یه‌كێك له دامه‌زراوه كۆمه‌ڵایه‌تییه گرنگه‌كانی ده‌ژمێرێت كه له ئاستێكی باشدا خزمه‌ت ده‌كات‌و به باشترین ئاستی كوالێتی‌‌و ژماره‌ی سودمه‌ندا به به‌راورد به سه‌رجه‌م سه‌نته‌ره‌كانی هاوشێوه‌ی له كوردستان‌و عێراق.
|