بەڕێوەبەرایەتی گشتی لە ڕێگەی زیادکردنی ئاشکراوە، دایەنگەی چوارچرای نوێ بەکرێدەدات
بانگەواز
بەڕێوەبەرایەتی گشتی لە ڕێگەی زیادکردنی ئاشکراوە، دایەنگەی چوارچرای نوێ بەکرێدەدات
بە پێی نووسراوی ژمارە (٥٥٣٠)ی دەرچوو لە بەشی یاسا، بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی، دایەنگەی چوارچرای نوێ کە دەکەوێتە ناو پڕۆژەی نیشتەجێبوونی چوارچرای نوێوە بۆ ماوەی یەک ساڵ بە پێی یاسای فرۆشتن و بەکرێدانی داراییە گوزراوەو نەگوازراوەکانی دەوڵەت، ژمارە ٣٢ی ساڵی ١٩٨٦ دەدات بە کرێ.
بە پێی ئەو بانگەوازە، هەرکەسێک ئارەزووی بەشداریکردنی هەیە لە زیادکردنەکەدا، دەتوانێت سەردانی بەڕێوەبەرایەتی گشتیمان بکات و بەمەبەستی بینینی بینای دایەنگەکەو دانانی بارمتەی یاسایی بە بڕی (8,500,000) هەشت ملیۆن و پێنج سەد هەزار دینار، وە زیادکردنەکە ڕۆژی ٥ی ١ی ٢٠٢٠ لە ناو بینای دایەنگەکە لە شاری نیشتەجێبوونی چوارچرای نوێ ئەنجام دەدرێت.
بەشداربوو دەبێت مەرجەکانی کردنەوەو بەڕێوەبردنی دایەنگەی تێدابێت، وە هەرکەسێک زیادکردنەکەی بەشێوەیەکی کۆتایی لەسەر دەگیرسێتەوە بەڵێن بدات کە بیناکە تەنها بۆ دایەنگە بەکاردەهێنێت و دەست بەجێ داوای وەرگرتنی مۆڵەتی دایەنگە دەکات.
ڕووبەری بیناکە (٢٠٠٤) مەتر دووجایەو دەکەوێتە ناو پڕۆژەی نیشتەجێبوونی چوارچرای نوێ‌و پێکهاتووە لە (١١)ژوورو (٣)هۆڵ‌و (١٢) تەوالێت و (٤) گەرماوو (١) چێشتخانە.
ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی