له ڕێگه‌ی گرێبه‌ستێكه‌وه، خواردنی پێویست و ته‌ندروست بۆ ماڵه‌كانی منداڵان‌و به‌ساڵاچووان‌و دایه‌نگه‌كان دابین ده‌كرێت
ڕۆژی سێشه، 3ی 12ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و به ئاماده‌بوونی به‌ڕێزان ڕێبوار ڕه‌سوڵ، به‌رپرسی به‌شی یاساو زه‌یتون حه‌سه‌ن، كادیری یاسایی له به‌شی یاساو موحه‌ممه‌د جه‌لال عه‌بدولڵا، نوێنه‌ری ڕێگه‌پێدراوی كۆمپانیای(خاره باس) واژۆی گرێبه‌ستی ئاماده‌كردنی خواردنی بۆ ساڵی (2020) بۆ به‌ڕێوه‌به‌رایه‌تی چاودێری كۆمه‌ڵایه‌تی سلێمانی واژۆكرد كه له ڕێگه‌ی ئه‌و گرێبه‌سته‌وه خواردنی ته‌ندروست‌و ته‌واو به‌پێی خواست‌و پێویستی منداڵان‌و به‌ساڵاچووان له ماڵه‌كانی منداڵان‌و به‌ساڵاچووان‌و دایه‌نگه‌كان‌و ماڵی داڵده‌دانی ژنانی هه‌ڕه‌شه‌لێكراو ئاماده ده‌كرێت.
به پێی ئه‌و گرێبه‌سته، كۆمپانیای (خاره باس بۆ بازرگانی گشتی‌‌و ئاماده‌كردنی خواردن‌و پاككردنه‌وه/ سنوردار) پابه‌ند ده‌بێت به ئاماده‌كردنی خواردنی سێ ژه‌می سه‌ره‌كی‌‌و ژه‌مێكی سوك بۆ ماڵه‌كانی منداڵان‌و به‌ساڵاچووان‌و ماڵی داڵده‌دانی ژنان به به‌رده‌وامی‌‌و ڕۆژانه‌و به سه‌رجه‌م كاته‌كانی ده‌وام‌و پشوو و جه‌ژنه‌كان، هه‌روه‌ها ئاماده‌كردنی دوو ژه‌می سه‌ره‌كی‌‌و یه‌ك ژه‌می سوك بۆ دایه‌نگه‌كانی (چوارباخ، دایك، به‌ختیاری، خنجیل، چوارتا، دوكان، بازیان) سه‌ر به به‌ڕێوه‌به‌رایه‌تی چاودێری كۆمه‌ڵایه‌تی سلێمانی، له به‌رانبه‌ردا حكومه‌ت له بودجه‌ی به‌ڕێوه‌به‌رایه‌تی ناوبراو شایسته داراییه‌كان بۆ كۆمپانیا دابین ده‌كات.
ئه‌م ڕێككه‌وتنه پاش ڕاگه‌یاندنی كه‌مگری له ڕێگه‌ی به‌شی گرێبه‌سته‌كانی پارێزگای سلێمانی و ڕاگه‌یاندنی ئاشكراوه بۆ كۆمپانیای (خاره باس) گیرساوه‌ته‌وه‌و به پێی ئه‌و گرێبه‌سته كۆمپانیاكه له 1ی 1ی 2020ه‌وه ده‌ست به كاره‌كانی ده‌كات بۆ ماوه‌ی سالێك.
له گرێبه‌سته‌كه‌دا سه‌رجه‌م ئه‌وه‌ی پێویسته بۆ خواردنێكی ته‌ندروست‌و پێویست بۆ منداڵان ده‌ستنیشانكراوه‌و له ئاماده‌كردنی خشته‌كانی خواردندا ڕه‌چاوی پێویستیه ته‌ندروستییه‌كانی جه‌سته بۆ هه‌ر قۆناغێكی ته‌مه‌ن‌و خواستی سودمه‌ندان كراوه، ئه‌مه بێجگه له ئاماده‌كردنی خوارن له ڕۆژانی پشوو و جه‌ژنه‌كاندا به پێی خواستی سودمه‌ندان، هه‌روه‌ها ژماره‌یه‌ك ڕێوشوێنی تر كه به‌هۆیه‌وه كۆمپانیا پابه‌ندییه‌كانی جێ به‌جێ ده‌كات.
ئه‌مه‌ی خواره‌وه ده‌قی ڕێككه‌وتنه‌كه‌یه:
|