شاندێكی به‌ڕێوه‌به‌رایه‌تی گشتی سه‌ردانی چاودێری كۆمه‌لایه‌تی سلێمانی كردو به‌دواداچوونی بۆ كێشه‌ی خێزانێك كرد
ڕۆژی یه‌كشه‌ممه، 12ی 5ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی به‌هاوڕێیه‌تی هه‌ریه‌كه له به‌ڕێزان م.ئاراس ناصر، به‌رپرسی به‌شی پارێزگاری خێزان‌و مافناس هیوا ڕه‌حمان، سه‌رپه‌رشتیاری هۆبه‌ی به‌دواداچوون سه‌ردانی به‌ڕێوه‌به‌رایه‌تی چاودێری كۆمه‌ڵایه‌تی سلێمانیان كردو له نزیكه‌وه ئه‌و كارانه‌یان بینی كه بۆ به‌هاناوه‌چوونی خانه‌واده‌یه‌كی فره كێشه كراوه.
له‌و سه‌ردانه‌یدا به‌ڕێز به‌ڕێوه‌به‌ری گشتی و شاندی یاوه‌ری له‌لایه‌ن به‌ڕێزان مافناس سه‌رنج حه‌مه‌سه‌عید، به‌ڕێوه‌به‌ری چاودێری كۆمه‌ڵایه‌تی سلێمانی‌‌و ڕازازوه میرزا، جێگری به‌ڕێوه‌به‌رو نیان ئیبراهیم، به‌رپرسی ماڵی كچان‌و شێركۆ عارف، به‌رپرسی ماڵی نه‌وجه‌وانانی كوڕان پێشوازی كران.
له‌و سه‌ردانه‌دا كه مه‌به‌ست له نزیكه‌وه ئاگاداربوون له‌و كارانه‌ی كه بۆ ماڵێكی فره كێشه كراون بوو، به‌ڕێز به‌ڕێوه‌به‌ری گشتی ده‌ستخۆشی له خاتوو ڕازاه سه‌رۆكی لیژنه‌و سه‌رجه‌م ئه‌ندامان و كارمه‌ندانی و به‌رپرس و كارمه‌ندانی ماڵه‌كانی به‌ساڵاچووان و منداڵان كرد كه ئه‌ركی خۆیان زۆر به‌باشی به‌رانبه‌ر ئه‌و خێزانه به‌جێهێناوه‌و وه‌ك پێویست به هانایانه‌وه ڕۆشتوون، هه‌روه‌ك به‌ڕێوه‌به‌ری گشتی پاڵپشتی خۆی بۆ ته‌واو كردنی سه‌رجه‌م قۆناغه‌كانی پرۆسه‌ی ڕزگاركردن و به هاناوه‌چوونه‌كه دووپاتكرده‌وه.
|