• پێویسته‌ هه‌موومان پێكه‌وه‌ له‌ پێناو كۆمه‌ڵگه‌یه‌كی‌ خاڵی‌ له‌ توندوتیژیدا تێبكۆشین
  • منداڵانی‌ نابینا، ده‌توانن له‌ په‌یمانگای‌ ڕووناكی‌ بۆ نابینایان بچنه‌ نێو پڕۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌.
  • منداڵانی‌ نابیست ده‌توانن له‌ په‌یمانگای‌ هیوا بچنه‌ پرۆسه‌ی‌ په‌روه‌رده‌و فێربوونه‌وه‌، په‌یمانگا چاوه‌ڕوانیانه‌
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • منداڵانی‌ خۆشه‌ویست: په‌یوه‌ندی‌ به‌ ژماره‌ 116 ه‌وه‌ بكه‌ن بۆ وه‌رگرتنی‌ ڕێنمایی‌
  • دابینكردنی‌ زه‌مینه‌یه‌كی‌ گونجاو بۆ خوێندن‌و بنیادنانی‌ ئاینده‌یه‌كی‌ گه‌ش بۆ مندالاَن ئه‌ركی‌ سه‌رشانی‌ ده‌وڵه‌ته‌.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • مندالاَنی‌ خاوه‌ن پێداویستی‌ تایبه‌ت به‌هره‌و توانایی‌ جیاوازیان هه‌یه‌ بۆیه‌ ده‌یێت هاوكاری‌و پیشتیوانی‌ بكرێن بۆ ده‌رخستنی‌ تواناكانیان.
  • بێكه‌وه‌ كارده‌كه‌ین بۆ دابینكردنی‌ ئاینده‌كی‌ گه‌ ش بۆ مناڵان .
  • منداڵانی‌ كه‌مئه‌ندام پێویستیان به‌هاوكاری‌‌و ڕێزه‌... نه‌ك جیاوازیكردن‌و په‌راوێز خستنیان
 
هەواڵ
سلێمانی‌: فیستیڤاڵی‌ هه‌فته‌ی‌ نابیستان به‌ڕێوه‌چوو

سلێمانی‌: بە چەند چالاکییەکی‌ جۆراو جۆر، فیستیڤاڵی‌ هه‌فته‌ی‌ نابیستان به‌ڕێوه‌چوو

له‌ ژێر دروشمی‌ (ده‌رفه‌تمان پێ بده‌ن)، به‌بۆنه‌ی‌ هه‌فته‌ی‌ نابیستان كه‌ هه‌فته‌یه‌كی‌ تایبه‌ته‌ به‌ چالاكی‌ و ناساندنی‌ تواناكانی‌ منداڵ‌و هاوولاتیانی‌ نابیست، له‌ په‌یمانگای‌ هیوای‌ نابیستان، فیستیڤاڵێكی‌ تایبه‌ت به‌ڕێوه‌چوو.

ڕۆژی‌ چوارشه‌ممه‌، 24ی‌ 4ی‌ 2019، به‌ چاودێری‌ به‌ڕێز م.عومه‌ر گوڵپی‌، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌ ‌و ئامادەبوونی‌ بەرێز سالار فەتاح، بەرێوەبەری‌ گشتی‌ کۆمەڵایەتی‌ هەڵەبجەی‌ شەهید بە وەکالەت و ژماره‌یه‌ك له‌ به‌رێوه‌به‌رو به‌رپرسانی‌ بواری‌ كاری‌ كۆمه‌ڵایه‌تی‌‌و سه‌رپه‌رشتیارانی‌ په‌روه‌رده‌یی‌ و نوێنه‌ری‌ ژمارەیەک لە ڕێكخراوه‌كان، له‌ په‌یمانگای‌ هیوای‌ نابیستان، فیستیڤاڵێكی‌ تایبه‌ت به‌ هه‌فته‌ی‌ نابیستان به‌ڕێوه‌چوو.

له‌و فیستیڤاڵه‌دا له‌لایه‌ن قوتابیانی‌ په‌یمانگای‌ هیوای‌ نابیستانه‌وه‌ مارشی‌ تایبه‌ت به‌ په‌یمانگا و شانۆگه‌رییه‌كی‌ پڕ له‌ مانا به‌ زمانی‌ ئاماژه‌ پێشكه‌شکرا.

له‌ فیستیڤاڵه‌کەدا به‌ڕێز م.عومه‌ر گوڵپی‌، وته‌یه‌كی‌ پێشكه‌شكردو له‌ وته‌كه‌یدا جه‌ختی‌ له‌وه‌ كرده‌وه‌ كه‌ پێویسته‌ ڕۆڵ‌و ده‌رفه‌تی‌ خوێندن‌و ژیانكردن له‌ هه‌موو بواره‌كان به‌ نابیستان بدرێت، به‌پێی‌ تواناییه‌كانی‌ خۆیان، له‌و بواره‌دا به‌ڕێز به‌ڕێوه‌به‌ری‌ گشتی‌ ئاماژه‌ی‌ به‌وه‌ كرد كه‌ ڕاسته‌ له‌ كوردستادا له‌ هێندێك بواردا هه‌نگاو نراوه‌، به‌ڵام له‌ ڕاستیدا له‌ بواری‌ په‌روه‌رده‌ی‌ تایبه‌ت کارو دامەزراوەکان لە ئاستی‌ پێویست و خواستدا نین و هێشتا منداڵانی‌ نابیست هه‌لی‌ خوێندنیان له‌سه‌رو قۆناغی‌ بنه‌ڕه‌تی‌ بۆ نه‌ڕه‌خسێنراوه‌و منداڵانی‌ نابیستی‌ ده‌ره‌وه‌ی‌ شاره‌ گه‌وره‌كانیش بێ به‌شن له‌ خوێندنی‌ بنه‌ڕه‌تی‌، هه‌ربۆیه‌ پێویسته‌ خه‌ڵك‌و حكومه‌ت كاربكه‌ین بۆ ئه‌وه‌ی‌ منداڵانی‌ خاوه‌ن پێداویستی‌ تایبه‌ت هه‌ست به‌بێ به‌شبون نه‌كه‌ن‌و ئه‌وه‌ی‌ ئه‌ركی‌ سه‌رشانمانه‌ به‌رانبه‌ریان جێ به‌جێی‌ بكه‌ین به‌تایبه‌ت پێویسته‌ هه‌لی‌ خوێندن له‌ هه‌موو قۆناغه‌كان به‌ زانكۆشه‌وه‌ بۆ منداڵان و گه‌نجانمان بڕه‌خسێنین.

هه‌ر له‌ وته‌كه‌یدا به‌ڕێز به‌ڕێوه‌به‌ری‌ گشتی‌ ئاماژه‌ی‌ به‌ ئاماده‌كارییه‌كانی‌ به‌ڕێوه‌به‌رایه‌تی‌ گشتی‌ كرد بۆ به‌ستنی‌ كۆنفرانسی‌ په‌ره‌پێدانی‌ خوێندنی‌ نابیستان كه‌ بڕیاروایه‌ له‌ ئاینده‌یه‌كی‌ نزیكدا به‌ڕێوه‌ بچێت.

هه‌ر له‌و فیستیڤاڵه‌دا، له‌ به‌رهه‌می‌ ده‌ستی‌ قوتابیانی‌ نابیستی‌ په‌یمانگا نمایشی‌ به‌رهه‌می‌ ده‌ست و چنین‌و وێنه‌و كاری‌ شێوه‌ كاری‌ قوتابیان كرا.

له‌ به‌شێكی‌ فیستیڤاڵه‌كه‌دا خه‌ڵاتی‌ ڕێزلێنان به‌خشرایه‌ 23 كارمه‌ندو مامۆستای‌ نابیست كه‌ له‌ په‌یمانگاو سه‌نته‌ره‌كاندا خزمه‌تی‌ به‌رچاو ده‌كه‌ن.

هه‌فته‌ی‌ نابیستان، هه‌فته‌یه‌كی‌ تایبه‌ته‌ به‌ نابیستان‌و ساڵانه‌ له‌ كوردستان و ژماره‌یه‌ك وڵاتانی‌ ده‌وروبه‌ر به‌و بۆنه‌یه‌وه‌ چالاكی‌ جۆراو جۆر پێشكه‌ش ده‌كه‌ن‌و بۆنه‌و یادی‌ تایبه‌ت به‌ڕێوه‌ ده‌به‌ن.



24/04/2019
بابەتی زیاتر...
   
© Copyright 2016 All Rights Reserved.